Skin Care : त्वचेच्या अनेक समस्या दूर करण्यासाठी ‘जोजोबा तेल’ अत्यंत गुणकारी, वाचा!

मुंबई : जोजोबा तेल त्वचेला पोषण देते. त्यात व्हिटॅमिन ई, बी, अँटीऑक्सिडेंट गुणधर्म आणि खनिजे असतात. जोजोबा तेलात अँटीफंगल आणि अँटीमाइक्रोबियल असते. त्वचेशी संबंधित अनेक समस्या दूर ठेवण्यास हे मदत करते. हे मुरुमांवर नियंत्रण ठेवते आणि डाग दूर ठेवण्यास मदत करते. बर्‍याच अभ्यासानुसार आपल्या त्वचेची काळजी घेण्याव्यतिरिक्त ते मुरुमांना बरे करण्यास देखील मदत करते. हे त्वचेला ओलावा देते. (Jojoba oil is beneficial for beautiful skin)

-दोन चमचे एलोवेरा जेल आणि दोन चमचे जोजोबा तेल घ्या. दोन्ही एका काचेच्या भांड्यात घाला आणि चांगले मिक्स करा. हे मिश्रण मॉइश्चरायझर म्हणून वापरा. ते आपल्या चेहऱ्यावर लावा आणि एक मिनिट मालिश करा. आपण दिवसा कधीही हे वापरु शकता.

-आपण आपल्या त्वचेच्या क्रीम किंवा जेलमध्ये जोजोबा तेल मिक्स करू शकता आणि आपल्या चेहऱ्यावर लावू शकता. दररोज रात्री झोपण्याच्या अगोदर चेहऱ्याला जोजोबा तेल लावा आणि काही वेळ मालिश करा. यामुळे त्वचा चांगली होते.

-आपण थेट चेहऱ्यावर जोजोबा तेल देखील लावू शकता. जोजोबा तेलाचे काही थेंब घ्या आणि ते आपल्या चेहऱ्यावर आणि मानेवर लावा. एक किंवा दोन मिनिटांसाठी हलके हातांनी मालिश करा. चेहरा धुला, रात्रभर सोडू नका.

-घरच्या घरी ‘ब्युटी ऑईल’ तयार करण्यासाठी नारळाचे तेल आणि जोजोबा तेल एका वाटीत घेऊन, त्यात लेव्हेंडर आणि लिंबाच्या इसेन्सचे काही थेंब टाकून ते व्यवस्थित मिक्स करून घ्या. आपण आपल्या त्वचेच्या पोत लक्षात घेऊन, हे तेल वापरू शकता.

-केसांच्या वाढीसाठी जोजोबा तेल महत्वाचे आहे. हे आपले केस चमकदार ठेवण्यास मदत करते. केस गळतीच्या समस्येने आपण त्रस्त असाल तर जोजोबा तेल वापरा. केसांच्या टाळूवर जास्त प्रमाणात सेबममुळे केस गळण्यास सुरवात होते. आपले केस निरोगी आणि मऊ ठेवण्यासाठी जोजोबा तेलाने आपल्या टाळूची मालिश करा. हा सर्वात सोपा आणि नैसर्गिक मार्ग आहे.

(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)

संबंधित बातम्या : 

Papaya Seeds Benefit | तुम्ही पपईच्या बिया फेकून देताय…? तर थांबा अगोदर हे वाचा!

Weight Loss Drinks | स्लिम-ट्रिम दिसण्याची इच्छाय? मग, झोपण्यापूर्वी प्या ‘हे’ हेल्दी ड्रिंक्स!

Health care | सकाळी अनवाणी पायांनी गवतावर चालणे आरोग्यासाठी लाभदायी, वाचा याचे फायदे… https://t.co/xnbkgfB8Ea #HealthTips | #Barefoot | #HealthCare

— TV9 Marathi (@TV9Marathi) February 24, 2021

(Jojoba oil is beneficial for beautiful skin)