त्वचा उजळण्यासाठी संत्र्याच्या सालीचा करा वापर, मिळतील अनेक फायदे

मुंबई : आपण फळे खाल्लानंतर फळांची साल फेकून देतो. परंतु आपल्याला माहिती आहे का याच फळांच्या सालीपासून विविध फेस मास्क तयार होऊ शकतात. आणि हे आपल्या चेहऱ्यासाठी अत्यंत चांगले आहे याच्यापुढे महागडे फेशियल आणि ब्रँडेड क्रीमही अपयशी ठरू शकतात. त्यातील पोषक घटक आपली त्वचा निरोगी बनवते आणि चेहर्‍यावर नैसर्गिक चमक देखील येते. (Orange peel is beneficial for the skin)

-संत्रीची साल सुकवून घ्या आणि त्याचे पावडर तयार करा या पावडरमध्ये मध आणि दूध मिसळा आणि चेहऱ्यावर लावा. थोडया हलक्या हातांनी मसाज करा, कारण फेसमास्कबरोबरच हे चांगले स्क्रब आहे. मसाज केल्यानंतर ते कोरडे होऊ द्या. नंतर कोमट पाण्याने तोंड धुवा. संत्री हे व्हिटॅमिन सीचा चांगला स्रोत मानला जातो.

-त्वचा तेलकट असल्यास एका वाटीमध्ये संत्र्याच्या सालींची पेस्ट आणि चंदन पावडर एकत्र घ्या व फेस पॅक तयार करा. या पॅकमुळे तेलकट त्वचेवरील मुरुमांची समस्या हळूहळू दूर होण्यास मदत मिळू शकते

-संत्र्याची ताजी साल आपण आपल्या कोपर, गुडघे आणि मानेवर रगडू शकता. यामुळे त्वचेचा काळपटपणा दूर होण्यास मदत मिळते. याव्यतिरिक्त संत्र्याच्या सालीची पेस्ट तयार करून त्यामध्ये मध मिक्स करा व हे मिश्रण आपल्या त्वचेवर लावा.

-यामुळे त्वचेवरील मृत पेशींची समस्या दूर होण्यास मदत मिळते. त्वचेवर नैसर्गिक चमक येते आणि त्वचेवरील रोमछिद्रांची खोलवर स्वच्छता होते.

-त्वचेवर नैसर्गिक तेज येईल आणि त्वचा सैल देखील पडणार नाही. तसंच मुरुम आणि ब्लॅकहेड्सची समस्या देखील दूर होण्यास मदत मिळू शकते.

-संत्र्याच्या सालीमध्ये ‘व्हिटॅमिन सी’ची मात्रा भरपूर असते. यामध्ये अँटी-बॅक्टेरिअल, नैसर्गिक स्वरुपात तेलाचा होणारा अतिरिक्त स्त्राव नियंत्रणात आणण्याचे गुणधर्म, अँटी-ऑक्सिडंट्स आणि अँटी-मायक्रोबियल यासह अनेक गुणधर्म आहेत .

(टीप : कुठल्याही कृतीपूर्वी डॉक्टरांचा किंवा सौंदर्यतज्ज्ञांचा सल्ला घेणे बंधनकारक आहे.)

संबंधित बातम्या :

beauty tips | फक्त ‘या’ 6 गोष्टी करा आणि मिळवा तजेलदार चेहराhttps://t.co/6Sm47ZBB8x#beauty #beautytips #tips

— TV9 Marathi (@TV9Marathi) December 7, 2020

(Orange peel is beneficial for the skin)