Honeymoon Destination | ‘मधुचंद्रा’साठी भारतातील ‘ही’ खास ठिकाणे, जोडीदारासह घेऊ शकता रोमँटिक क्षणांचा आनंद!
तुम्हीही तुमच्या हनिमूनसाठी खास योजना आखत असाल आणि चांगल्या ठिकाणाच्या शोधात असाल, तर भारतातही अशी काही ठिकाणे आहेत जिथे तुम्ही तुमच्या जोडीदाराबरोबर दर्जेदार वेळ घालवू शकाल.
मुंबई : कोरोनाच्या प्रादुर्भावामुळे आंतरराष्ट्रीय उड्डाणे पूर्णपणे विस्कळीत झाली होती. देशांतर्गत उड्डाणांवरही बंदी घालण्यात आली होती, पण आता पर्यटन आणि लोकांच्या गरजा लक्षात घेता यात काहीशी सूट देण्यात आली आहे. सध्या भारतात लग्नाचा हंगामही सुरू होणार आहे. असे बरेच लोक आहेत, ज्यांचे नुकतेच लग्न झाले आहे आणि ते लोक त्यांच्या हनीमूनसाठी खास योजना आखत आहेत (Best honeymoon destinations in india).
जर तुम्हीही तुमच्या हनिमूनसाठी खास योजना आखत असाल आणि चांगल्या ठिकाणाच्या शोधात असाल, तर भारतातही अशी काही ठिकाणे आहेत जिथे तुम्ही तुमच्या जोडीदाराबरोबर दर्जेदार वेळ घालवू शकाल. भारतातील ही ऑफबीट ठिकाणे तुम्हाला अगदी स्वर्गासारखी वाटतील.
येत्या मार्च महिन्यात आपण या ठिकाणी भेट देऊन आणि हनिमूनसाठी योजना आखू शकता. ही ठिकाणे आपल्यासाठी अगदी योग्य ठरतील. या ठिकाणांबद्दल आपण आपले नियोजन नक्कीच केले पाहिजे. चला तर जाणून घेऊया अशा कोणत्या जागा आहे, जिथे आपण आपला दर्जेदार वेळ घालवू शकता.
काश्मीर
काश्मीरचे श्रीनगर नैसर्गिकरित्या सुंदर शहर आहे. येथील ट्यूलिप बागेत खूप छान आणि सुंदर रंगांच्या फुलांचा संग्रह आहेत. आपण येथे निसर्गाचा सुंदर देखावा पाहण्यासाठी जाऊ शकता. एप्रिल हा येथे भेट देण्याचा उत्तम काळ आहे. इथल्या डोंगराच्या उंच पर्वतरांगा आणि नयनरम्य दृश्ये आपल्याला मोहित करण्यासाठी पुरेशी आहेत. आपण सोनमर्ग, पहलगाम आणि गुरेझ व्हॅली यासारख्या ठिकाणी फिरण्यासाठी जाऊ शकता आणि आपल्या खास दिवसांना आणखी अविस्मरणीय बनवू शकता (Best honeymoon destinations in india).
लडाखमध्ये कॅम्पिंग
हिमालयाचे सौंदर्य तुम्हाला अगदी जवळून बघायचे असेल, तर आपल्या जोडीदाराला येथे नक्कीच कॅम्पिंगसाठी घेऊन जा. थिकसे आणि दीक्षितमध्ये आपण सुंदर शिबिराचा आनंद घेण्याबरोबरच बर्फाच्छादित शिखराच्या विहंगम दृश्यांचा आनंद देखील घेऊ शकता. येथे आपण उंच उंच पर्वतांना भेट देऊ शकता. इथला सूर्यास्तही खूप सुंदर आहे.
केरळमधील बॅकवॉटर
हनिमूनसाठी तुम्ही केरळचीही निवड करू शकता. केरळमधील बॅकवॉटरचे पाणी तुम्हाला खरोखर सुंदर वाटेल. कोची ते चित्तूर कोट्टाराम या मार्गावर बोटीची सफर हे येथील मुख्य आकर्षण आहे. येथे आपण आपल्या हनिमूनच्या आठवणी कॅमेर्यामध्ये कॅप्चर करू शकता. बॅकवॉटर्समध्ये हाऊस बोट राईड हा एक सुंदर अनुभव आहे.
अंदमान निकोबार
घरापासून दूर अंदमान-निकोबार बेटे, हिरव्यागार कोरल रीफ्स, सागरी जीवांसह, आणि आपल्या जोडीदारासह वेळ घालवण्यासाठी ही सर्वोत्तम जागा आहेत. विशेषतः ज्या जोडप्यांना सी डायविंग आवडते, ते येथे मनसोक्त आनंद घेऊ शकतात. येथे आपण समुद्री कासवांसोबत पोहण्याचा आनंद घेऊ शकता आणि आपला हनिमून संस्मरणीय बनवू शकता.
(Best honeymoon destinations in india)
हेही वाचा :
Bachelor Party : आता डेस्टिनेशन बॅचलर पार्टी आणखी मजेदार, मित्रांसह एक्सप्लोर करा ‘ही’ ठिकाणं https://t.co/M2DxWFsxOR#travelfashion #Lifestyle
— TV9 Marathi (@TV9Marathi) December 13, 2020
