Cheapest Cloth Market: कमी बजेटमध्ये करा भरपूर शॉपिंग, या मार्केटमध्ये मिळतात स्वस्त आणि ट्रेंडी कपडे

Cheapest Cloth Market: भारतातील खरेदीचा अनुभव एक वेगळाच आनंद देणारा असतो, हे सर्वांनाच माहित आहे. कोणताही सण आली की, सर्वात पहिला विचारला जाणारा प्रश्न म्हणजे, शॉपिंग करायची तरी कुठे? तर भारतात असे अनेक मार्केट आहेत. जिथे चांगले कपडे मिळतील. देशाची राजधानी दिल्लीव्यतिरिक्तही देशभरात अशी अनेक उत्कृष्ट मार्केट आहेत, जिथे तुम्हाला परवडणाऱ्या दरात स्टायलिश कपडे खरेदी करण्याची सुवर्णसंधी मिळते. जर तुम्हाला खरेदीची आवड असेल, तर तुम्ही या बाजारपेठांना नक्कीच भेट दिली पाहिजे.

कोलाबा कॉजवे (Colaba Causeway) : दक्षिण मुंबईमध्ये असलेलं कोलाबा कॉजवे मार्केट शॉपिंगसाठी प्रसिद्ध आणि लोकप्रिय आहे. येथे नेहमीच पर्यटकांची वर्दळ असते. येथे बुटीकपासून ते फूटपाथपर्यंत दुकानांमध्ये ग्राहकांची गर्दी असते. येथे तुम्ही सर्व प्रकारचे कपडे, ॲक्सेसरीज आणि चप्पलांचे शेकडो डिझाईन्स पाहू शकता. येथे खाण्यापिण्याची देखील उत्तम व्यवस्था आहे. स्ट्रीट शॉपिंग सोबतच तुम्ही येथे स्ट्रीट फूडचा आनंदही घेऊ शकता.

क्रॉफोर्ड मार्केट (Crawford Market) | क्रॉफोर्ड मार्केट जवळपास 150 वर्ष जुनं मार्केट आहे. शाहरातील सर्वात जुनं मार्केट म्हणून देखील क्रॉफोर्ड मार्केटची ओळख आहे. या मार्केटमध्ये कपडे आणि फॅशनच्या गोष्टींसाठी प्रसिद्ध नाही. तर या मार्केटमध्ये स्वयंपाकघर आणि जीवनशैलीशी संबंधित गोष्टी, होम डेकॉरसाठी लागणाऱ्या गोष्टी मोठ्या प्रमाणात दिसून येईल.

अंजुना मार्केट, गोवा (Anjuna Market) : जर तुम्ही गोव्याला जाण्याचा बेत आखत असाल, तर ‘अंजुना मार्केट’ला नक्की भेट द्या. येथील सुंदर समुद्रकिनाऱ्याचा आनंद घेण्यासोबतच, तुम्हाला येथे मनसोक्त खरेदीचाही आनंद लुटता येईल. येथे तुम्हाला आकर्षक गाउन्सपासून ते स्टायलिश टोप्या, बीचवेअर, ट्रेंडी सॅन्डल्स, पर्यावरणपूरक ज्यूटच्या पिशव्या आणि शिंपल्यांपासून बनवलेले सुंदर दागिने अशा विविध प्रकारच्या वस्तू अतिशय कमी दरात मिळतील.

टेक्सटाइल मार्केट, गुजरात (Textile Market) : याव्यतिरिक्त, जर तुम्ही परवडणाऱ्या दरातील कपड्यांच्या शोधात असाल, तर गुजरातमधील सुरत हे शहर एक उत्तम पर्याय आहे. सुरतला ‘भारताचे वस्त्रोद्योग केंद्र’ (Textile Hub of India) म्हणूनही ओळखले जाते. येथील प्रसिद्ध बाजारपेठांमध्ये तुम्हाला सुती, रेशमी, पॉलिस्टर आणि भारी डिझायनर कापड वाजवी दरात मिळू शकते. तसेच, येथून मिळणाऱ्या सूट, लेहंगा आणि साड्यांच्या कापडाला संपूर्ण भारतात सर्वाधिक मागणी आहे.