‘हे’ पदार्थ ॲल्युमिनियमच्या भांड्यात कधीही शिजवू नका; आरोग्यासाठी ठरु शकतं घातक

कोणते पदार्थ कोणत्या भांड्यात शिजवायचे याबद्दल फार कोणाला माहिती नसतं… अशात ॲल्युमिनियमच्या भांड्यात कोणत्या भाज्या शिजवायच्यास आणि कोणत्या नाहीत. याबद्दल माहिती असणं फार गरजेचं आहे. तर जाणून घ्या ॲल्युमिनियमच्या भांड्यात काय शिजवलं पाहिजे आणि काय नाही…

Aluminium utensils, Aluminium Utensils Side Effects, aluminum Leaching, Aluminium Cookware Safety, Cooking in Aluminium Utensils, Acidic Foods in Aluminium, Aluminium Cooking Tips, Lifestyle News,

आपण खात असलेल्या अन्नाबद्दल माहिती नसताना केलेल्या काही चुकांमुळे आरोग्याच्या समस्या निर्माण होऊ शकतात. त्याचप्रमाणे, स्वयंपाकासाठी ॲल्युमिनियमची भांडी वापरणं योग्य नाही. सांगायचं झालं तर, ही स्वस्त भांडी जवळपास प्रत्येक भारतीय घरात आढळतात. प्रत्येकजण रोजच्या स्वयंपाकासाठी ही भांडी वापरतो. परंतु असं म्हटलं जातं की आरोग्याच्या दृष्टीने स्वयंपाकासाठी ॲल्युमिनियमची भांडी वापरणं योग्य नाही. विशेषतः, काही विशिष्ट पदार्थांसाठी ॲल्युमिनियमची भांडी वापरू नयेत.

ॲल्युमिनियमच्या भांड्यांमध्ये आंबट किंवा अति खारट पदार्थ शिजवताना, धातूचे काही कण अन्नामध्ये मिसळू शकतात. याला ॲल्युमिनियम लीचिंग म्हणतात. जरी याचे आरोग्यावरील परिणाम लगेच दिसत नसले तरी, भविष्यात यामुळे आरोग्याला खूप हानी पोहोचू शकते. यामुळे मूत्रपिंड, हाडे आणि मज्जासंस्थेशी संबंधित समस्या निर्माण होऊ शकतात. म्हणून आरोग्याच्या दृष्टीने, स्वयंपाकासाठी स्टेनलेस स्टील किंवा मातीच्या भांड्यांचा वापर करणं योग्य आहे.

ॲल्युमिनियमच्या भांड्यांमध्ये कोणते पदार्थ शिजवू नयेत?

व्हिनेगर असलेले पदार्थ ॲल्युमिनियमच्या भांड्यात शिजवणे टाळा. ॲल्युमिनियमची व्हिनेगरसोबत वेगाने रासायनिक अभिक्रिया होते. हे शरीरासाठी हानिकारक आहे. त्यामुळे, व्हिनेगर असलेले पदार्थ काचेच्या किंवा सिरॅमिकच्या भांड्यांमध्येच साठवावेत किंवा शिजवावेत.

ॲल्युमिनियमच्या भांड्यांमध्ये टोमॅटोची ग्रेव्ही किंवा सॉस बनवणं टाळा. टोमॅटो आम्लधर्मी असतात आणि त्यांना ॲल्युमिनियमच्या भांड्यात शिजवल्याने त्यांची चव बिघडू शकते. शिवाय, त्यांना ॲल्युमिनियमच्या भांड्यात जास्त वेळ शिजवल्याने पदार्थातील धातूचे प्रमाण वाढते.

लिंबूवर्गीय पदार्थ ॲल्युमिनियमच्या भांड्यांमध्ये शिजवणे टाळा. लिंबू आणि इतर लिंबूवर्गीय फळांमध्ये आम्ल असतं. त्यांचा रस ॲल्युमिनियमच्या भांड्यात गरम केल्यास, त्यातील धातू अन्नामध्ये उतरेल.

चिंचेची चटणी ॲल्युमिनियमच्या भांड्यात बनवू नये. चिंचेतील आम्ल ॲल्युमिनियमसोबत अभिक्रिया करू शकते. त्यामुळे, चिंचेची चटणी किंवा शिजवलेल्या भाज्या नेहमीच्या ॲल्युमिनियमच्या भांड्यांमध्ये जास्त काळ साठवणं टाळा. तसेच, ॲल्युमिनियमच्या भांड्यांमध्ये खूप मसालेदार पदार्थ शिजवणं टाळा.

दही आणि इतर दुग्धजन्य पदार्थ शिजवू नयेत. ॲल्युमिनियमच्या भांड्यांमध्ये दही, ताक आणि इतर दुग्धजन्य पदार्थ शिजवणं देखील टाळावे. दुग्धजन्य पदार्थांमध्ये लॅक्टिक ॲसिड असतं, जे ॲल्युमिनियमसोबत अभिक्रिया करून हानिकारक विषारी द्रव्ये तयार करते.

ॲल्युमिनियमच्या भांड्यात बटाटे शिजवणे योग्य नाही. बटाट्यांमध्ये नैसर्गिक आम्ल असतात, जे ॲल्युमिनियमच्या भांड्यात शिजवल्यास प्रतिक्रिया देतात. यामुळे केवळ पदार्थाची चवच बदलत नाही, तर आरोग्यावरही नकारात्मक परिणाम होतो. बटाटे शिजवण्यासाठी स्टेनलेस स्टील किंवा लोखंडी भांडी वापरणे उत्तम ठरेल.