दही लावल्याने केस वाढतात का? नेमकं काय आहे सत्य… घ्या जाणून

आजच्या धावपळीच्या आयुष्यात आपण स्वतःकडे लक्ष देणं विसरुन जातो… घराची जबाबदारी, कामाचा ताण, ऑफिसमधील कामे… अशा सर्व जबाबदाऱ्या पार पाडत असताना महिला स्वतःकडे लक्ष देणंच विसरुन जातात. याचा परिणाम कालांतराने त्वचेवर आणि केसांवर दिसू लागतो. पण एका उपायाने तुमच्या केसांचं आरोग्या पुन्हा उत्तम होईल… आपल्या आजीच्या काळापासून आपण ऐकत आलो आहोत की, डोक्याला दही लावल्याने केस वाढण्यास मदत होते. पण यामागे सत्य काय आहे? दही खरंच केस वाढण्यास मदत करते का? असे प्रश्न प्रत्येकाच्या मनात निर्माण होतात.

तर जाणून घेऊ दही केसांच्या वाढीवर कसा परिणाम करते. लॅक्टिक ॲसिड हा दह्यामधील मुख्य घटक आहे. जेव्हा ते टाळूवर लावले जाते, तेव्हा ते मृत त्वचेच्या पेशी काढून टाकण्यास आणि त्वचेची छिद्रे मोकळी करण्यास मदत करते. केसांच्या वाढीसाठी स्वच्छ आणि निरोगी टाळू असणे आवश्यक आहे. त्यामुळे, दही केसांच्या वाढीस थेट मदत करण्याऐवजी, केसांच्या वाढीसाठी अधिक चांगले वातावरण तयार करते असे म्हणणे अधिक योग्य ठरेल.

बहुतेक लोकांमध्ये केस गळण्याचे मुख्य कारण कोंडा आहे. दह्यामधील बुरशीविरोधी गुणधर्म टाळूवरील कोंडा काढून टाकतात आणि खाज व इतर अस्वस्थता कमी करतात. एकदा कोंडा गेला की, केस गळणे कमी होते आणि निरोगी केस वाढू लागतात. तसेच, दही टाळू आणि केसांच्या मुळांसाठी खूप चांगले असते.

दह्यामधील फॅट केवळ केसांच्या वाढीस मदत करत नाही, तर त्यांना चमक आणि मऊपणा देखील देते. ज्यांचे केस कोरडे आहेत त्यांच्यासाठी दही एक उत्तम मॉइश्चरायझर आहे. त्यामुळे केसांचे तुटणे देखील कमी होते. याचे फायदे तेव्हाच मिळू शकतात, जेव्हा तुम्ही ते तुमच्या केसांना योग्य प्रकारे लावाल. दही केसांवर 20 – 30 मिनिटांपेक्षा जास्त वेळ ठेवू नका.

सायनुसायटिस किंवा रायनायटिससारखे आजार असलेल्या लोकांनी दही वापरताना काळजी घ्यावी. दह्यामुळे टाळूला थंडावा मिळत असल्याने, या समस्या वाढू शकतात. दह्यामध्ये थोडे मध किंवा किसलेली कढीपत्ता घातल्याने केसांचा काळा रंग टिकून राहण्यास आणि केस पांढरे होण्याचे प्रमाण कमी होण्यास मदत होते.