अंघोळीपूर्वी केसांना न विसरता लावा ‘या’ गोष्टी! फायदेशीर
अशावेळी जर तुमचे केसही खराब असतील आणि तुम्हालाही केस मऊ आणि चमकदार बनवायचे असतील तर अंघोळीपूर्वी काही गोष्टी केसांमध्ये अवश्य लावा, असे केल्याने तुम्ही तुमचे केस सहज मुलायम आणि चमकदार बनवू शकता.
मुंबई: केस तुमचं सौंदर्य वाढवण्याचं काम करतात. मऊ, चमकदार केस ही प्रत्येकाची इच्छा असते. अशावेळी जर तुमचे केसही खराब असतील आणि तुम्हालाही केस मऊ आणि चमकदार बनवायचे असतील तर अंघोळीपूर्वी काही गोष्टी केसांमध्ये अवश्य लावा, असे केल्याने तुम्ही तुमचे केस सहज मुलायम आणि चमकदार बनवू शकता.
नारळाचे तेल
केस मजबूत आणि दाट होण्यासाठी केसांना तेल लावणं खूप गरजेचं आहे. कारण केसांना पोषण देण्यासाठी तेल लावणं गरजेचं आहे. यासाठी केस आणि टाळूवर खोबरेल तेल हलकेच लावा. आता हलक्या हातांनी केसांना १० मिनिटे मसाज करा. आता 10 तासानंतर केस शॅम्पूने धुवून टाका. असे केल्याने केसांना ओलावा मिळतो.
अंडी
आंघोळीपूर्वी केसांना अंडी लावणे खूप फायदेशीर ठरते. यासाठी अंड्याचा पिवळा भाग काढून आता नीट फेटून ही पेस्ट केस ांवर आणि टाळूवर चांगली लावा. 20 मिनिटे केसांमध्ये अंडी राहू द्या आणि नंतर शॅम्पूने केस धुवा.
दही
दही केसांचा कोरडेपणा कमी करते. दही केसांना मुलायम, चमकदार आणि सुंदर बनवते त्यामुळे तुम्हाला हवं असेल तर आंघोळीपूर्वी केसांना दही लावू शकता. यासाठी एका बाऊलमध्ये दही घेऊन केसांवर आणि टाळूवर लावून 20 मिनिटे केसांमध्ये ठेवून मग आंघोळ करावी.
(डिस्क्लेमर: येथे दिलेली माहिती घरगुती उपचार आणि सामान्य माहितीवर आधारित आहे. आम्ही याला दुजोरा देत नाही.)