Soup Recipe: गरमागरम गाजर-बीटरूट शोरब्याची चवच न्यारी; हिवाळ्यात नक्की ट्राय करा ही रेसिपी

Winter Special Recipe: हिवाळ्यात गरमागरम आणि चविष्ट पदार्थ खाण्याची मजाच वेगळी असते. अशावेळी गाजर आणि बीटरूटपासून तयार केलेला शोरबा उत्तम पर्याय ठरू शकतो. चला तर मग जाणून घेऊया हा शोरबा बनवण्याची सोपी रेसिपी.

Soup Recipe: गरमागरम गाजर-बीटरूट शोरब्याची चवच न्यारी; हिवाळ्यात नक्की ट्राय करा ही रेसिपी
गाजर बीटचा शोरबा
Image Credit source: Instagram
| Edited By: | Updated on: Nov 16, 2026 | 3:15 PM

थंडीच्या दिवसांत गरमागरम पदार्थ खाण्याची आणि सूप पिण्याची मजाच काही और असते. थंड वातावरणात गरम सूप प्यायल्याने शरीराला उब मिळते आणि भूकही शांत होते. सूप केवळ चविष्टच नसते, तर त्यामध्ये वापरल्या जाणाऱ्या भाज्यांमुळे शरीराला आवश्यक पोषक घटकही मिळू शकतात. त्यामुळे हिवाळ्यात आहारात वेगवेगळ्या प्रकारच्या सूपचा समावेश करणे चांगला पर्याय ठरू शकतो. तुम्हालाही घरी काहीतरी वेगळे आणि चविष्ट बनवायचे असेल, तर गाजर आणि बीटरूटचा शोरबा नक्की ट्राय करा. गाजर आणि बीटरूटच्या मिश्रणातून तयार होणारा हा शोरबा चवीला छान लागतो. शिवाय, तो बनवण्यासाठी फार वेळ किंवा जास्त साहित्यही लागत नाही. चला तर मग जाणून घेऊया गरमागरम गाजर-बीटरूट शोरबा बनवण्याची सोपी रेसिपी.

गाजर बीटरूटचे शोरबा बनवण्यासाठी साहित्य

– ४ गाजर
– ४ बीटरूट
– १ तुकडा आले
– ५ हिरव्या मिरच्या
– ४ चमचे कोथिंबीर
– ४ तमालपत्र
– १/२ चमचा जिरे
– २ चमचे तेल
– ६ कप पाणी
– चवीनुसार मीठ

Loading...

गाजर बीटरूट शोरबा बनवण्याची पद्धत

गाजर-बीटरूटचा शोरबा तयार करण्यासाठी सर्वप्रथम एका पॅनमध्ये थोडे तेल गरम करून त्यात तमालपत्र, जिरे आणि बारीक चिरलेले आले घाला. जिरे चांगले तडतडू लागल्यावर त्यात चिरलेले गाजर, बीटरूट आणि हिरव्या मिरच्या घाला. शोरबा गार्निश करण्यासाठी थोडे गाजर आणि बीटरूट बाजूला काढून ठेवा. आता हे सर्व साहित्य एकत्र करून साधारण ५ मिनिटे मंद आचेवर परतून घ्या, जेणेकरून भाज्या थोड्या मऊ होतील. त्यानंतर पॅनमध्ये आवश्यकतेनुसार पाणी घालून मिश्रण चांगले उकळू द्या. भाज्या शिजल्यानंतर गॅस बंद करा आणि मिश्रण थोडे थंड होऊ द्या. आता हे मिश्रण गाळून भाज्या मिक्सरमध्ये घालून त्याची बारीक प्युरी तयार करा. गाळलेले पाणी फेकून देऊ नका. तेच पाणी तयार प्युरीमध्ये मिसळा आणि पुन्हा एकदा उकळण्यासाठी ठेवा. चवीनुसार मीठ घालून साधारण २ ते ४ मिनिटे शिजवा. त्यानंतर गॅस बंद करून बाजूला ठेवलेल्या गाजर आणि बीटरूटच्या तुकड्यांनी शोरबा सजवा. तुमचा टेस्टी गाजर-बीटरूट शोरबा तयार आहे. हा शोरबा गरम असतानाच सर्व्ह करा.

Loading...
Unable to load recommendations.
Follow Us