फ्लॅटमध्ये लावता येणारी उत्तम रोपं…, ‘ही’ इनडोअर झाडे वाढवतील घराची शोभा

अनेकांना झाडांची प्रचंड आवड असते. पण धावपळीचं आयुष्य आणि वेळेचा आभाव यांमुळे झाडे घरात लावण शक्य होत नाही. घरात पुरेशा सूर्यप्रकाशाचा अभाव आणि दररोज त्याची काळजी घेण्यासाठी वेळेचा अभाव यामुळे अनेक लोक झाडे न लावण्याचा निर्णय घेतात. अशात ज्यांच्याकडे जास्त वेळ नाही, त्यांच्यासाठी अशी काही झाडे आहेत जी वाढवणे खूप सोपे आहे. त्यामुळे जाणून घ्या, अशी कोणती इनडोअर झाडे आहेत जी जास्त पाणी, प्रकाश किंवा लक्ष न देताही फ्लॅटमध्ये बाल्कनीमध्ये बहरतात.

स्नेक प्लांट: स्नेक प्लांट हे घरात वाढवण्यासाठी सर्वात सोप्या वनस्पतींपैकी एक आहे. याला आठवड्यातून एकदाच पाणी देण्याची गरज असते. याचा सर्वात मोठा फायदा म्हणजे, फ्लॅटमधील मंद प्रकाशात आणि बेडरूममधील एसीच्या थंडीतही ही वनस्पती कोणत्याही हानीशिवाय वाढू शकते. खोलीतील विषारी वायू शोषून घेऊन रात्रीच्या वेळीही हवा शुद्ध करण्यासाठी या वनस्पतीपेक्षा उत्तम दुसरी कोणतीही वनस्पती नाही.

स्पायडर प्लांट: हॉलमधील शेल्फवर किंवा टेबलावर ठेवण्यासाठी हे एक सुंदर रोप आहे. त्याची लांब गवतासारखी पाने आणि त्यातून खाली लटकणारी लहान ‘रोपे’ यामुळे ते दिसायला सुंदर दिसते. जर त्यावर थेट सूर्यप्रकाश पडला, तर त्याच्या पानांची टोके जळून जातात. त्यामुळे, ते अपार्टमेंटमधील कमी प्रकाश असलेल्या ठिकाणी ठेवणे उत्तम.

मनी प्लांट: लोकांना सर्वात जास्त परिचित असलेले मनी प्लांट फ्लॅटसाठी सर्वात योग्य आहे. आजकाल घरांमध्येही मनी प्लांटला भरपूर जागा मिळते. ते माती आणि पाणी या दोन्हीमध्ये वाढवता येतात. त्यांच्या वेली पसरून लिव्हिंग रूमला सुंदर बनवतात. जर तुम्ही त्यांना फ्लॅटच्या खिडकीच्या कट्ट्यावर किंवा बाल्कनीवर टांगले किंवा मॉस स्टिकवर पसरवले, तर त्यांची पाने चांगली मोठी आणि हिरवीगार होतात.

झेडझेड प्लांट: आपल्या चमकदार पानांमुळे, झेडझेड प्लांट फ्लॅट्सना एक आलिशान लुक देईल. हे अंधाऱ्या खोल्यांमध्ये किंवा प्रकाश नसलेल्या कार्यालयांमध्येही आरामात वाढू शकते. तुम्ही दोन ते तीन आठवडे पाणी घालायला विसरलात तरीही हे रोप कोमेजणार नाही. हे रोप आपल्या कंदांमध्ये पाणी साठवून ठेवत असल्यामुळे, जास्त पाणी घातल्यास मुळे सडू शकतात. या झाडावर माती पूर्णपणे कोरडी झाल्यावरच पाणी घाला.