Health Care : कामापेक्षा जास्त जेवण केलं आहे? मग ‘या’ टिप्स फाॅलो करून आराम मिळवा!

आरोग्य

मुंबई : खराब जीवनशैलीमुळे (Bad lifestyle) आजकाल लोकांना अनेक आजार जडत आहेत. त्यामुळे मधुमेह, थायरॉईड,कोलेस्ट्रॉल, हृदयविकार, गुडघेदुखी अशा सर्व समस्या लहान वयातच होऊ लागल्या आहेत. जर आपण व्यवस्थित डाएट फाॅलो केला तर आरोग्य चांगले राहण्यास मदत होते. मात्र, बऱ्याच वेळा काही पदार्थ इतके जास्त स्वादिष्ट होतात की, ते खाण्यापासून आपण स्वत: ला रोखू शकत नाहीत. कधी कधी जास्त प्रमाणात अन्न खाल्ल्याने पोटदुखी किंवा इतर समस्याही उद्भवतात. या समस्या टाळण्यासाठी आपण काही घरगुती उपाय केले पाहिजे.

कोमट पाणी प्या

जास्त खाल्ल्यानंतर जडपणासोबतच जळजळ किंवा अॅसिडिटीचा त्रासही होतो. यापासून आराम मिळवण्यासाठी कोमट पाणी प्या. तुम्हाला हवे असल्यास तुम्ही या पाण्यात लिंबाचा रस आणि मीठ घालू शकता. याचे सेवन केल्याने पोटातील जडपणापासून आराम मिळेल.

काळे मीठ

जास्त खाल्ल्यानंतर जडपणापासून आराम मिळण्यासाठी काळ्या मिठाचे पाणी प्या. हे करण्यासाठी थोडे पाणी गरम करा आणि त्यात काळे मीठ, जिरे यांसारख्या गोष्टी मिसळा आणि जेवल्यानंतर अर्ध्या तासानंतर हे पाणी प्या. यामुळे तुम्हाला खूप आराम वाटेल.

फिरायला जा

जास्त अन्न खाल्ल्यानंतर आपले पोट जड वाटते. अशावेळी आपण चालले पाहिजे. मात्र, एकदम फास्ट नका चालू हळूहळू चाला. यामुळे अन्न लवकर पचण्यास सुरूवात होते.

काकडी खा

फायबर समृध्द काकडी पचनसंस्थेसाठी उपयुक्त आहे. जेवल्यानंतर सुमारे 20 मिनिटांनी अर्धी काकडी कापून खा. यामुळे तुम्हाला बऱ्याच प्रमाणात आराम मिळेल.

(टीप: या बातमीतील मजकूर प्राथमिक माहितीवर आधारित आहे, या माहितीचा वापर करण्यापूर्वी डॉक्टरांचा सल्ला घ्या)

संबंधित बातम्या : 

Hair Care Tips: हिवाळ्यात अशी घ्या केसांची काळजी

Postpartum Care | बाळंतपणानंतरही पुन्हा सडपातळ व्हा, वजन नियंत्रणासाठी घरगुती उपाय