व्यायाम करणाऱ्यांनी आहारात ‘या’ पदार्थांचा समावेश करणे आवश्यक !

बदलत्या जीवनशैलीचा परिणाम अनेकांच्या वजनावर झालेला आहे. यात कामाचे स्वरुप आणि आहार हे महत्त्वाचे घटक ठरत आहेत.

व्यायाम करणाऱ्यांनी आहारात 'या' पदार्थांचा समावेश करणे आवश्यक !

मुंबई : बदलत्या जीवनशैलीचा परिणाम अनेकांच्या वजनावर झालेला आहे. यात कामाचे स्वरुप आणि आहार हे महत्त्वाचे घटक ठरत आहेत. वाढलेले वजन ही अनेकांसाठी मोठी समस्या झाली आहे. बरेच लोक वाढलेले वजन कमी करण्यासाठी व्यायाम करतात आणि चालतात. चालण्याने मधुमेह, हृदयरोग, बीपी यासारखे आजार देखील दूर होण्यास मदत होते. मुळात व्यायाम करणे हेच आपल्या आरोग्यासाठी चांगले असते. मात्र, व्यायाम करत असतानाच आपण आहारामध्ये काय घेतो हेही महत्वाचे आहे. (Special tips on what to eat in the diet)

-कार्बोहायड्रेट प्रोटीनच्या तुलनेत शरीराला लवकर उर्जा प्रदान करतात. याची व्यायामावेळी अधिक आवश्यकता असते. कार्बोहायड्रेट मांसपेशींमध्ये ग्लायकोजनची गरज भरुन काढण्यासाठी आवश्यक आहेत. त्यामुळे आहारात फरसबी, ब्राउन राइस यासारख्या पदार्थांचं सेवन करणं महत्त्वाचं ठरतं.

-व्यायाम करण्याआधी बदाम दूध किंवा ओट्स दूध पिणं आवश्यक ठरतं. हे शरीराला पुरेशी उर्जा पुरवण्याचं काम करतात. यामुळे व्यायाम करतानाही उर्जा मिळते. तसंच शरीराला पुरेसं पोषणही मिळण्यास मदत होते.

-जितकं शक्य आहे तितकं आहारात फळांचा समावेश करा. फळांमध्ये पुरेशा प्रमाणात फायबर असतं. व्यायाम करण्याच्या जवळपास 2 तासांपूर्वी आणि त्यानंतरही केळं खाणं शरीरासाठी फायदेशीर आहे. संत्री, द्राक्षही फायदेशीर ठरतात.

-शरीराच्या वजनानुसार, दररोज 0.9 ग्राम प्रोटीन आपल्या आहारात घेणं गरजेचं आहे. जर तुम्ही वजन नियंत्रणात राखू इच्छिता तर कॅलरीचं प्रमाण तपासणं महत्त्वाचं आहे.

संबंधित बातम्या : 

(Special tips on what to eat in the diet)