तांदूळ, डाळींमध्ये अजिबात होणार नाहीत किडे किंवा अळ्या, या सोप्या टिप्स वापरा, वर्शभर धान्य राहिले फ्रेश
सध्या पावासामुळे धान्य खराब होतं. सर्वात जास्त तांदळात जास्त किडे आणि अळ्या होतात. पण असे काही सोप्या टीप्स आहेत ज्यामुळे तुमचे तांदुळ, डाळी, इतर धान्य वर्षभर टिकतील, स्वच्छ राहतील. एकही किडी लागणार नाही.
प्रत्येकाच्या घरात वर्षभराचं किंवा किमान सहा महिन्यांचं धान्य भरून ठेवलं जात. पण कालांतराने आणि पावसाळ्यात धान्यांमध्ये विशेषत: तांदळामध्ये, डाळींमध्ये किडे, अळ्या होणे किंवा बुरशी लागण्याचे प्रकार घडतात. पण जर साठवण्याची योग्य पद्धत माहित असेल तर नक्कीच यापासून आपण आपले धान्य स्वच्छ ठेऊ शकतो.
तांदूळ किंवा कोणतेही धान्य साठवणे हे एका आव्हानापेक्षा कमी नाही. अयोग्य साठवणुकीमुळे त्यावर कीटकांचा प्रादुर्भाव होतो. या समस्येमुळे आरोग्यावरही नकारात्मक परिणाम होऊ शकते. काही प्रभावी मार्ग आहेत ज्याद्वारे आपण धान्य ताजे ठेवू शकतो आणि कीटकांपासून दूर ठेवू शकतो. जर तुम्ही या कीटकांपासून मुक्त होण्यासाठी प्रत्येक पद्धती वापरून कंटाळला असाल, या टिप्स नक्कीच वापरून पाहा धान्य वर्षभर आरामात साठवू शकाल.
धान्याला किंवा तांदळात किडे होऊ नयेत म्हणून खास टिप्स
कडुलिंबाची पाने
कडुलिंबाच्या पानांमध्ये अनेक औषधी गुणधर्म असतात आणि ते नैसर्गिक कीटकनाशक म्हणून काम करतात. कडुलिंबाचा कडू सुगंध कीटकांना दूर ठेवतो. तांदळाचे कीटकांपासून संरक्षण करण्यासाठी, तांदळाच्या डब्यात 10 ते 15 कडुलिंबाची पाने ठेवा किंवा एका कापडात ही पाने ठेवून मग ती त्या डब्यात ही पाणे ठेवा. हा उपाय सोपा आणि प्रभावी आहे. हा उपाय तांदूळ बराच काळ ताजे ठेवण्यास मदत करेल. कडुलिंब केवळ कीटकांना दूर ठेवत नाही तर तांदळाची गुणवत्ता देखील राखते.
लवंग
लवंगाचा वापर तांदळाला कीटकांपासून वाचवण्यासाठी देखील खूप प्रभावी आहे. लवंगाचा तीव्र सुगंध कीटक आणि मुंग्यांना दूर करण्यास मदत करतो. तांदळाच्या डब्यात काही लवंगा ठेवल्याने तुम्हाला कीटक आणि इतर लहान कीटकांपासून संरक्षण मिळू शकते. लवंग केवळ तांदूळ सुरक्षित ठेवत नाही तर त्याचा वापर तांदळाचा सुगंध देखील वाढवतो.
तमालपत्र
कोणत्याही पदार्थात चव वाढवणारे तमालपत्र तांदळाचे कीटकांपासून संरक्षण करण्यात देखील एक सुपरहिरो आहे. जर तुम्हालाही या कीटकांचा त्रास होत असेल, तर तांदळाच्या डब्यात काही तमालपत्रे टाकून पहा, कीटक त्यांच्यापासून पळून जातील आणि तुमचे तांदूळ वर्षभर सुरक्षित राहतील.
लसूण
लसणाचा वापर तांदळाचे कीटकांपासून संरक्षण करण्यास देखील मदत करेल. तांदळाच्या डब्यात सोललेला संपूर्ण लसूण ठेवा. त्याचा तीव्र वास कीटकांना धान्यांपासून दूर ठेवेल
योग्य कंटेनर निवडणे
तांदूळ किंवा कोणतेही धान्य साठवण्यासाठी योग्य कंटेनर निवडणे अत्यंत महत्वाचे आहे. कीटक आणि ओलावा आत जाण्यापासून रोखणारे हवाबंद कंटेनर वापरा. काचेचे किंवा प्लास्टिकचे बनलेले मजबूत कंटेनर निवडा जे सहजपणे बंद करता येतील. हवाबंद स्टोरेजमुळे कीटकांना प्रतिबंध होईल, तसेच तांदूळ जास्त काळ ताजे राहतील.
वरील उपायांचा अवलंब करून तुम्ही तांदूळ, डाळी किंवा इतर धान्य वर्षानुवर्षे ताजे ठेवू शकता आणि कीटकांपासून दूर ठेवू शकता. हे नैसर्गिक उपाय प्रभावीच नाहीत तर तुमच्या आरोग्यासाठीही सुरक्षित आहेत. म्हणून, पुढच्या वेळी जेव्हा तुम्ही तांदूळ किंवा इतर धान्य साठवाल तेव्हा या टिप्स नक्की फॉलो करून पाहा.
