प्रेग्नंसीसाठी ‘या’ दिवसात शरीरसंबंध ठेवणं महत्त्वाचं

मुंबई: आई बनणं हा जगातल्या प्रत्येक महिलेसाठी आनंदाचा क्षण असतो. अनेक महिलांना यासाठी मोठी प्लानिंग करावी लागते. काही महिलांना अचानक समजतं की, त्या प्रेग्नंट आहेत. वास्तविक महिलांच्या शरीरात एक नवीन जीव जन्माला येणं, ही एक जटिल प्रक्रिया आहे. अनेकदा महिलांना (Womens) विना प्रोटेक्शन संबंध ठेवल्यामुळे आपण आता लवकर गर्भवती (Pregnancy) होणार, असं वाटतं. अनेकदा असं घडत नाही. तेव्हा महिला टेन्शनमध्ये येतात.

…तर सहजतेने गर्भधारणा होऊ शकते

ओव्यूलेशनच्या दिवसात महिला लवकर आणि सहज प्रेग्नंट होऊ शकतात. महिलांच्या अंडाशयातून अंडी बाहेर निघण्याच्या प्रक्रियेला ओव्यूलेशन म्हटलं जातं. प्रत्येक महिन्यात पीरियडसच्या दोन आठवडे आधीचा हा काळ असतो. या काळाला फर्टिलिटी विंडो म्हटलं जातं. याच काळात महिलांच शरीर सर्वाधिक फर्टाइल असतं. या काळात शरीरसंबंध ठेवल्यास महिलांना सहजतेने गर्भधारणा होऊ शकते.

12 ते 24 तास फर्टिलायजेशन योग्य असतात

ओव्यूलेशनच्या दिवसात तुम्ही विनाप्रोटेक्शन शरीरसंबंध ठेवल्यास स्पर्मची एगला फर्टिलाइज करण्याची प्रक्रिया वेगवान होते. ओव्यूलेशनच्या दिवसात महिलांच्या अंडाशयातील अंडी 12 ते 24 तास फर्टिलायजेशन योग्य असतात. शुक्राणू तीन ते पाच दिवस महिलांच्या शरीरात जिवंत राहतात. त्यामुळे तुम्ही बाळाचा विचार करत असाल, तर हा उत्तम काळ आहे.