Ahmednagar : अहमदनगरमध्ये भीषण अपघात, 3 जण जागीच ठार तर 10 गंभीर जख्मी
कंटेनर, जीप आणि मोटारसायकल या तिहेरी वाहनांच्या धडकेत जीपमधील तिघांचा जागीच मृत्यू झाला आहे. तर या अपघातात दहा जण गंभीर जख्मी झाले आहेत.
अहमदनगर : नगरमधील राहुरी तालुक्यातील गुहा फाट्याजवळ एक भीषण अपघात झाला. नगर – मनमाड महामार्गावर हा अपघात झाल्याची माहिती समोर आली आहे. या अपघातात कंटेनर, जीप आणि मोटारसायकल यांची जोराची धडक झाली आहे. त्यात काहीजण मृत्यू पावले आहेत तर काही जण गंभीर जखमी झाले आहेत. गेल्या काही दिवसात या महामार्गावर अपघातांचे प्रमाण वाढले आहे. महामार्गाचे काम पूर्ण होण्यास अजून किती काळ लागेल? हेही निश्चित नाही.
अपघातात 3 जण जागीच ठार
कंटेनर, जीप आणि मोटारसायकल या तिहेरी वाहनांच्या धडकेत जीपमधील तिघांचा जागीच मृत्यू झाला आहे. तर या अपघातात दहा जण गंभीर जख्मी झाले आहेत. दहापैकी तिघांची प्रकृती चिंताजनक असल्याचीही माहिती समोर आली आहे. जख्मींना उपाचारासाठी प्रवरा रुग्णालयात दाखल करण्यात आले आहे. त्यांच्यावर सध्या उपचार सुरू आहेत.
महामार्गाचे काम सुरू असल्याने एकेरी वाहतूक सुरू
या मार्गावर सध्या काम सुरू आहे. त्यामुळे एक मार्ग वाहतुकीसाठी बंद करण्यात आला आहे. तर महामार्गाचे काम सुरू असल्याने एकाच मार्गावरून वाहतूक सुरू होती. या अपघातानंतर पोलिसांनी तात्काळ घटनास्थळी धाव घेतली, त्यानंतर त्यांनी स्थानिकांच्या मदतीने अपघातग्रस्तांचं बचावकार्य सुरू केले, अपघातात जखमी झालेल्यांना त्यांनी तात्काळ रुग्णालयात दाखल केले. त्यानंतर या महामार्गावरील वाहतुक सुरळीत करण्यासाठी बराच काळ प्रय्तन सुरू होते. मात्र हे वाढते अपघात थांबवण्याचे आव्हान प्रशासनासमोर असणार आहे. या महामार्गावर आधीही अनेक अपघाताच्या घटना घडल्या आहेत. काही वेळेस वाहनचालकांचा वेगही अपघाताला कारणीभूत ठरतोय.
अँड्रॉयड युजर्सना WhatsApp मध्ये कॅमेरा इंटरफेस मिळणार, ग्रुप अॅडमिनसाठी नवीन फीचर्स
रजिस्ट्रेशन सर्टिफिकेट हरवलंय? जाणून घ्या डुप्लिकेट RC बनवण्याची ऑनलाईन आणि ऑफलाईन पद्धत
Omicron : ‘ओमिक्रॉन’ संसर्गजन्यतेवर जागतिक आरोग्य संघटनेचे भाष्य; वाचा- नेमके काय म्हणाले?
