लिंगपिसाट खरातला मोठा धक्का… अत्यंत जवळच्या व्यक्तीचा अपघातात मृत्यू; शिवनिका ट्रस्ट…

Shivanika Trust Jitendra Shelke Die in Road Accident: भोंदू अशोक खरात याचा केव्हाही एन्काऊंटर होऊ शकतो असा आरोप विरोधक करत आहेत. तर त्याने ही आपले मरण इथंच असल्याचा दावा करून खळबळ उडवून दिली होती. त्याचवेळी एक मोठी धक्कादायक बातमी समोर येत आहे. खरातचे निकटवर्तीय आणि शिवानिका ट्रस्टचे उपाध्यक्ष जितेंद्र शेळके यांचे भीषण अपघातात निधन झाले आहे. हा अपघात इतका भीषण होता की पाहणाऱ्यांचे काळीज हेलावले. या कार अपघातात शेळके यांचा मृत्यू झाला. तर त्यांची पत्नी ही कारमध्येच अडकल्याची धक्कादायक माहिती समोर येत आहे.

उभ्या कंटरनेला कारची मागून जोराची धडक

खरातचे निकटवर्तीय जितेंद्र शेळके यांचे अपघाती निधन झाले आहे. समृद्धी महामार्गावर भिषण अपघात झाला. अनेकांना हा अपघात पाहताच धक्का बसला. संभाजीनगरहून शिर्डीकडे येताना धोत्रे गावाजवळ अपघात घडला. उभ्या कंटेनरला कारची पाठीमागून धडक बसली. कार थेट कंटेनरखाली घुसली. वेगवान कार पाठीमागून येत उभ्या कंटरनेला जोरात धडकली. त्यात कारच चक्काचुर झाला. या अपघाताने अनेकांना धडकी भरली.

पत्नी कारमध्येच अडकली

अपघातात जितेंद्र शेळकेंचा मृत्यू तर पत्नी आणी मुलगा गंभीर जखमी झाला. जखमी मुलाला उपचारासाठी तातडीने रुग्णालयात दाखल करण्यात आले. तर पत्नी अजूनही गाडीत अडकलेली होती. जितेंद्र शेळके हे शिवानिका ट्रस्टचे उपाध्य७ राहिलेले आहेत. शेळकेंच्या लॉन्समध्येही खरातची भागीदारी आहे. खरातला अटक झाल्यापासून जितेंद्र शेळके हे तणावात होते.

दीपक लोंढेंची तीन तासांहून अधिक काळ चौकशी

तर दीपक केसरकर आणि खरातचे निकटवर्तीय दीपक लोंढे यांची तीन तासांपेक्षा अधिक काळ चौकशी करण्यात आली. भोंदू अशोक खरात प्रकरणात लोंढे शिर्डी पोलीस ठाण्यात चौकशीसाठी हजर झाले. दीपक लोंढे अशोक खरातसह दीपक केसरकर यांचे निकटवर्तीय मानले जातात. अशोक खरात नॉमिनी असणारी समता पतसंस्थेत दिपक लोंढे आणि पत्नीच्या नावे चार खाती आहेत. खात्यांवरून कोट्यवधींचे व्यवहार करण्यात आले आहेत. शिर्डी पोलिसांकडून दीपक लोंढेंची चौकशी सुरू आहे. लोंढे यांच्या जबाबातून काय खुलासे होणार याकडे लक्ष लागले आहे.