Ambenali Ghat Accident : 8 मित्र, 800 फूट खोल दरी आणि… दुर्बीणने मृतदेहांचा शोध ! आंबेनळी घाटातील अंगावर काटा येणारं रेस्क्यू ऑपरेशन; मृतांची नावे समोर
राज्यातील आंबेनळी घाटात झालेल्या भीषण स्कॉर्पिओ अपघातात 8 तरुणांचा दुर्दैवी मृत्यू झाला. कोकणच्या सफरीवरून परतताना गाडी 1500 फूट खोल दरीत कोसळली. या घटनेने सर्वत्र हळहळ व्यक्त होत असून, बचाव पथकांनी दुर्बीणींच्या साहाय्याने मृतदेहांचा शोध सुरू केला आहे. हा अपघात 2018 च्या बस दुर्घटनेची आठवण करून देतो.
Raigad Scorpio Accident News : राज्यातील महाबळेश्वर आणि पोलादपूर दरम्यान असलेल्या धोकादायक आंबेनळी घाटात घडलेल्या भीषण अपघाताने सगळेच हादरले आहेत. कोकणच्या सफरीवरून परत येणाऱ्या पर्यटकांना घेऊन जाणारी स्कॉर्पिओ जीप अचानक अनियंत्रित झाली आणि खोल दरीत कोसळली. या अत्यंत भीषण अपघातात 8 तरूणांचा दुर्दैवी मृत्यू झाला. मिळालेल्या माहितीनुसार, ही दरी 1500 फूट खोल आहे. अपघाताचाी माहिती मिळताच बचाव आणि मदत पथकाच्या जवानांनी घटनास्थळी धाव घेत रेस्क्यू ऑपरेशन सुरू केलं. दुर्बीणीच्या मदतीने मृतदेहांचा शोध घेतला जात होता.
प्राथमिक अहवालानुसार, हा भीषण अपघात रविवार आणि सोमवारी पहाटे 2:45 च्या सुमारास दाबेली गावाजवळ घडला. अपघातात सामील असलेली स्कॉर्पिओ जीप सातारा जिल्ह्यातील कोरेगाव तालुक्यातल्या आसगाव येथील असल्याचे समजते. कोकणात सुट्टी घालवून काही मित्र घरी परत जात होते. मात्र पहाटेच्या वेळी ते आंबेनळी घाटाजवळ पोहोचले असतानाच अचानक चालकाचं गाडीवरील नियंत्रण सुटलं आणि ही जीप थेट 800 फूट खोल दरीत कोसळली.या अपघातामुळे मोठी शोककळा पसरली.
दुर्बिणीच्या मदतीने घेतला जातोय मृतदेहांचा शोध
या भीषण घटनेची माहिती मिळताच पोलादपूर पोलीस प्रशासन, महाबळेश्वर ट्रेकर्स, प्रतापगड बचाव पथक, सिस्केप महाड, आपडा मित्र आणि स्थानिक ग्रामस्थांनी घटनास्थळी तत्काळ धाव घेतली. ही दरी प्रचंड खोल असल्यामुळे आणि तो भाग दुर्गम असल्यामुळे बचाव पथकांतील कर्मचाऱ्यांना मोठ्या अडचणींचा सामना करावा लागत आहे. मृतदेह शोधण्यासाठी दुर्बिणींचा वापर केला जात आहे. ही गाडी खोल दरीत कोसळल्यामुळे मृत प्रवाशांचे मृतदेह वर आणण्यासाठी बरेच कष्ट घ्यावे लागत आहेत. आतापर्यंत दोन मृतदेह सापडले असून, उर्वरित 6 जणांचा शोध घेण्यासाठी मोठी बचाव मोहीम सुरू आहे. दोघांचे मृतदेह घेऊन रुग्णवाहिका पोलादपूरमधील सरकारी रुग्णालयात गेली आहे.
2018 च्या बस अपघाताच्या आठवणी ताज्या
अपघातात सामील असलेली स्कॉर्पिओ कार सातारा जिल्ह्यातील कोरेगाव तालुक्यातल्या आसगाव येथील असल्याचे समजते. मित्रांचा एक ग्रुप कोकणातून साताऱ्याला परत येत असताना हा अपघात घडला. पहाटेच्या सुमारास झालेला हा अपघात त्याच परिसरात घडली आहे, जिथे 2018 साली दापोली कृषी विद्यापीठाची एक बस दरीत कोसळली होती.
मृतांची नावं आली समोर
सर्व मृतक हे सातारा व आसपासचे रहिवासी असल्याचे समजते. त्यांची नावं समोर आली आहेत.
महेश अनिल पवार (वय 25 ), आदित्य अशोक साळुंखे (वय 21), रितेश राजेंद्र लोखंडे (वय 25), सुहास जितेंद्र लोखंडे (वय 20), अंश समीर चव्हाण (वय 18), उत्कर्ष आनंद शिंगटे (वय 21), अनिल अभिमन्यू शिंगटे (वय 25) आणि नितीन किसन नायकोंडे (वय 35)
