VIDEO : जुन्या रागाचा वचपा काढण्यासाठी बारजवळच राडा, धुलिवंदनालाच तरुणाला बेदम मारहाण

अमरावती : कोरोनाच्या पार्श्वभूमीवर राज्यात सर्वच ठिकाणी साध्या पद्धतीने धुलिवंदनाचा सण साजरा करण्यात आला. तर दुसरीकडे अमरावतीत धुलिवंदनाच्या सणाला गालबोट लागलं आहे. अमरावतीत धुलिवंदनाच्या दिवशी जुन्या वादातून राडा झाला आहे. यात सहा जणांनी एका युवकाला बेदम मारहाण केली आहे. हा सर्व प्रकार सीसीटिव्हीत कैद झाला आहे. (Amravati Six People beaten one person to take revenge)

जुन्या रागाचा वचपा काढण्यासाठी मारहाण

मिळालेल्या माहितीनुसार, एका जुन्या वादातून धुलिवंदनाच्या दिवशी हा राडा झाल्याचे बोललं जात आहे. भूषण पोहोकार (21) असे जखमी झालेल्या युवकाचे नाव आहे. अमरावती शहरातील नवसारी जवळील यश बारजवळ भूषण रस्त्याने जात होता. त्यावेळी जुन्या रागाचा वचपा काढण्यासाठी 6 जण दबा धरुन बसले होते. त्यांनी भूषणला पकडून लाथा-बुक्क्यांसह काठीने जबरदस्त मारहाण केली. या मारहाणीत भूषण गंभीर जखमी झाला.

तरुणाची मृत्यूशी झुंज

काल संध्याकाळच्या सुमारास ही घटना घडली. सध्या भूषण हा मृत्यूशी झुंज देत आहे. हा सर्व प्रकार सीसीटीव्ही कॅमेऱ्यात कैद झाला आहे. यातील जखमी तरुण आणि मारेकरी हे दोघेही गुंडगिरी प्रवृत्तीचे असल्याची माहिती पोलिसांनी दिली आहे.

घटना सीसीटीव्हीत कैद

सध्या जखमी तरुणाला गंभीर अवस्थेत जिल्हा ग्रामीण रुग्णालयात उपचारासाठी दाखल करण्यात आले आहे. याप्रकरणी गाडगेनगर पोलिसांनी 5 जणांना अटक केली आहे. तर एक जण पसार झाला आहे. यातील 4 युवक अल्पवयीन आहे. या घटनेनंतर अमरावती जिल्ह्यात खळबळ उडाली आहे. या मारहाणीची घटना सीसीटीव्ही कॅमेऱ्यात कैद झाली आहे. (Amravati Six People beaten one person to take revenge)

संबंधित बातम्या : 

डोकं फुटलेल्या अवस्थेत तरुण पोलीस स्टेशनला, औरंगाबादेत कॉन्स्टेबलने तक्रारदारालाच धुतलं

म्हशीच्या दुधावरुन राईचा पर्वत, प्रचंड गदारोळ, वाद विकोपाला, अक्षरक्ष: गोळीबार

बॉयफ्रेंडची हत्या केल्याने तरुणीला जन्मठेपेची शिक्षा, मात्र ‘या’ कारणामुळे शेकडो महिला समर्थनासाठी रस्त्यावर