7 दिवसांनी मोठा खुलासा करणार… माझ्याकडे महत्त्वाची माहिती, अंजली दमानियांच्या रडारवर कोण?
Anjali Damania : अंजली दमानिया यांनी पत्रकार परिषदेत मोठं विधान केलं आहे. सात दिवसांनंतर मोठा खुलासा करणार असल्याचे त्यांनी म्हटले आहे. आता दमानिया यांच्या रडारवर कोण आहे हे पाहणे महत्त्वाचे ठरणार आहे.
सामाजिक कार्यकर्त्यां अंजली दमानिया यांनी पत्रकार परिषदेत मोठं विधान केलं आहे. शिवसेना ठाकरे गटाच्या उपनेत्या सुषमा अंधारे यांच्याबाबत बोलताना दमानिया यांनी म्हटले की, अंधारे ताईंना एवढंच सांगायचंय की माझी तुमच्याशी स्पर्धा नाही. माझा लढा तुमच्याशी नाही तर भ्रष्टाचाराच्या विरोधात आहे. सुषमा ताई जे चेहऱ्यावर हास्य ठेवून दमानिया मॅडम असं करू नका असं म्हणत त्यांनी अंधारे यांची नक्कल केली आहे. पुढे बोलताना दमानिया यांनी आगामी काळात मोठे खुलासे करण्याचा इशारा दिला आहे. याबाबत सविस्तर माहिती जाणून घेऊयात.
अंजली दमानिया मोठा खुलासा करणार
अंजली दमानिया यांनी म्हटले की, मिलिंद नार्वेकर यांच्यासाठी सुषमा अंधारे बोलत नाहीत, ते शिंदेंच्या पक्षात जाण्याची चर्चा आहे. मिलिंद नार्वेकर यांचे 8 कॉल्स , मग सिलेक्टिव्ह कोण? मी पुढील पाच दिवस बाहेर जात आहे, आल्यावर मोठा खुलासा करणार आहे. माझ्याकडे असंख्य माहिती आहे, यानंतर मोठा खुलासा होणार आहे जो भयंकर आहे. कोंडी करायचा प्रयत्न होत असेल पण सुषमा अंधारे यांचा मोर्चा शिंदे यांच्याकडे गेलाय हे पाहून बरं वाटलं. बिल्डर्स , रिपीडेट कॉल्सची माहिती घेतली आहे, सात दिवसांनी मोठा आणि शॉकिंग खुलासा होईल असं दमानिया यांनी म्हटलं आहे. त्यामुळे अंजली दमानिया नेमका काय खुलासा करणार हे पाहणे महत्त्वाचे ठरणार आहे.
भोंदू खरात आणि अजित दादांच्या विमान अपघाताचा संबंध असण्याची शक्यता
दमानिया यांनी पत्रकार परिषदेत बोलताना, भोंदू खरात आणि अजित दादांच्या विमान अपघाताबाबत गंभीर आरोप केला आहे. भोंदू अशोक खरातचा या अपघाताशी संबंध असल्याची शक्यता त्यांनी वर्तवली आहे. अजित दादांच्या अपघातानंतर भोंदू खरातच्या समता पतसंस्थेतून काही संशयास्पद मेसेज व्यवहार झाल्याचे त्यांनी म्हटले आहे. या व्यवहारांची चौकशी करण्याची मागणी एसआयटीकडे करणार असल्याचेही दमानिया यांनी म्हटले आहे.
रोहित पवारांची सीआयडी तपासाची मागणी
अंजली दमानिया यांच्या या आरोपांनंतर राष्ट्रवादीचे आमदार रोहित पवार म्हणाले की, ‘अजितदादांच्या अपघाताच्या एक दिवस आधी, अपघाताच्या दिवशी आणि अपघाताच्या दुसऱ्या दिवशी ‘समता पतसंस्थे’त भोंदू अशोक खरातचे मोठे आर्थिक व्यवहार झाल्याची धक्कादायक माहिती अंजली दमानिया यांनी दिली आहे. आधी अजितदादांच्या घराबाहेर झालेला जादूटोणा आणि आता अंजली दमानिया यांनी दिलेली माहिती, भोंदू खरातचा VSR कंपनीच्या विमांनामधून अनेकदा झालेला प्रवास आणि त्याचे अनुयायी हे सगळं बघता अजितदादांच्या अपघाताशी खरातचा काही संबंध आहे का? यासंदर्भातील संशय अधिक गडद होत आहे. अजितदादांच्या घातपातासंदर्भात चौकशी करताना सीआयडीने खरात आणि त्याच्याशी संबंधित लोकांचा देखील तपास करायला हवा.’
