मोठी बातमी! पुण्यात आणखी एक मोठा जमीन घोटाळा, राज्यात खळबळ

राज्याचे उपमुख्यमंत्री अजित पवार यांचे चिरंजीव पार्थ पवार यांच्यावर पुण्यातील एका जमिनीशी संबंधित प्रकरणात जमीन घोटाळ्याचा आरोप करण्यात आला आहे, हे प्रकरण राज्यभरात चांगलंच तापलं. पार्थ पवार यांची कंपनी असलेल्या अमेडिया कंपनीशी संबंधित हे प्रकरण आहे. 1800 कोटी रुपये किंमत असलेली जमीन अवघ्या 300 कोटी रुपयांना खरेदी करण्यात आली. तसेच त्याच्यावर सरकारी नियमानुसार 6 कोटी रुपयांची स्टॅम्प ड्युटी भरणं अपेक्षित असताना केवळ 500 रुपये इतकीच स्टॅम्प ड्युटी भरण्यात आल्याचं समोर आलं आहे. या प्रकरणामुळे पार्थ पवार चांगलेच अडचणीत सापडले आहेत. दरम्यान हे प्रकरण ताजं असतानाच आता पुणे जिल्ह्यातून आणखी एक जमीन घोटाळा प्रकरण समोर आलं आहे. यामुळे खळबळ उडाली आहे.

नेमकं काय आहे प्रकरण? 

मुंढवा आणि बोपोडी जमीन प्रकरणा पाठोपाठ पुन्हा एकदा शासकीय जमीन विक्री घोटाळा समोर आला आहे.  ताथवडे येथील 15 एकर शासकीय जागेची परस्पर विक्री करण्यात आल्याचं समोर आलं आहे. पिंपरी चिंचवड शहरातील ताथवडे परिसरातील पशुसंवर्धन विभागाची सर्वे नंबर 20 येथील 15 एकर जागेची परस्पर विक्री कोट्यावधी रुपयात करण्यात आली आहे. हेरंब गुपचूप नावाच्या व्यक्तीने जानेवारी 2025 मध्ये या जागेची विक्री परस्पर केली आहे.

पशुसंवर्धन विभागाला अंधारात ठेवून य जागेची विक्री करण्यात आली आहे. मुद्रांक शुल्क विभागाकडून याबाबतची माहिती जेव्हा पशुसंवर्धन विभागाला कळविण्यात आली. त्यानंतर पशुसंवर्धन विभागाच्या आयुक्तांनी या विषयाची तक्रार पुण्याचे विभागीय आयुक्ताकडे केली आहे. आता या प्रकरणात पुण्याचे विभागीय आयुक्त आणि पशुसंवर्धन विभागाकडून चौकशी सुरू आहे. मात्र पिंपरी चिंचवड शहरातील कोट्यावधी रुपयाची शासकीय मोक्यची जागा या निमित्ताने लाटण्याचा प्रकार पुन्हा एकदा  उघडकीस आला आहे.  आता या प्रकरणाबाबत तपास सुरू आहे.

नेमकं काय आहे प्रकरण?

मोठं शासकीय जमीन घोटाळा प्रकरण समोर आलं आहे. ताथवडे येथील 15 एकर शासकीय जागेची परस्पर विक्री करण्यात आल्याचं समोर आलं आहे. हेरंब गुपचूप नावाच्या व्यक्तीने जानेवारी 2025 मध्ये या जागेची स्परस्पर विक्री केली आहे, त्यामुळे आता या प्रकरणात नेमकी काय कारवाई होणार हे पहाणं महत्त्वांच ठरणार आहे.