Accident| आयशर ट्रकचा भीषण अपघात, तिघे जागीच ठार, औरंगाबादच्या शिवराई फाट्यावरची घटना
परिसरातील नागरिक आणि पोलिसांच्या मदतीने जखमींना रुग्णालयात दाखल करण्यात आले. त्यापैकी तिघांचा मृत्यू झाल्याचे डॉक्टरांनी घोषित केले. अपघातातील उर्वरीत जखमींवर आता पुढील उपचार सुरु आहे.
औरंगाबादः जिल्ह्यात दोन आयशर ट्रकची समोरासमोर धडक झाल्याने भीषण अपघात (Aurangabad accident) झाल्याची घटना घडली आहे. हा अपघात एवढा भीषण होता की, वाहनांमधील तिघांचा जागीच मृत्यू झाला. गंभीर बाब म्हणजे या मृतांमध्ये 2 लहान मुलांचा समावेश आहे. अपघातातील (Road Accident) जखमींवर सध्या उपचार सुरु आहेत. यापैकी एक ट्रक लग्न समारंभावरून परतत होता. त्यामुळे त्यात अनेक प्रवासी होते, अशी माहिती मिळतेय. याच ट्रकमधील तिघे जण (Three dead) ठार झाले असून यात दोन लहान मुलांचा समावेश आहे.
लग्नावरून परतणाऱ्या ट्रकला अपघात
या अपघाताविषयी मिळालेल्या प्राथमिक माहितीनुसार, औरंगाबाद जिल्ह्यातील शिवराई फाट्यावर भीषण अपघात झाला. दोन आयशर ट्रकमध्ये हा अपघात झाला. अपघाताच्या वेळी वाहनांचा वेग जास्त असल्यामुळे गतीवर अचानक नियंत्रण मिळवणे अशक्य झाले आणि चालकांचे वाहनावरील नियंत्रण सुटले. या मुळे दोन्ही ट्रक परस्परांवर धडकले. यापैकी एक ट्रक लग्न समारंभावरून परतत होता. त्यामुळे त्यात अनेक प्रवासी होते, अशी माहिती मिळतेय. याच ट्रकमधील तिघे जण ठार झाले असून यात दोन लहान मुलांचा समावेश आहे.
जखमींवर उपचार सुरु
दरम्यान, शिवराई फाट्यावर झालेल्या या भीषण अपघातानंतर परिसरातील नागरिकांनी तत्काळ घटनास्थळी धाव घेतली. तसेच जवळच्या पोलीस स्टेशनमध्ये घडलेला प्रकार कळवण्यात आला. परिसरातील नागरिक आणि पोलिसांच्या मदतीने जखमींना रुग्णालयात दाखल करण्यात आले. त्यापैकी तिघांचा मृत्यू झाल्याचे डॉक्टरांनी घोषित केले. अपघातातील उर्वरीत जखमींवर आता पुढील उपचार सुरु आहे.
इतर बातम्या
Health Care : वर्क फ्रॉम होम करत आहात? आरोग्य बिघडलंय मग आहारामध्ये या खास पदार्थांचा समावेश करा आणि निरोगी राहा!
मुलांचा फुटबॉल विहिरीच्या दिशेने गेला अन् बेपत्ता पोलीसाचा शोध लागला,औरंगाबादेत खळबळ!
