भंडारा 10 नवजात बालक मृत्यू प्रकरणात राज्य सरकारची पोकळ कारवाई? निलंबित डॉक्टर पुन्हा कामावर रुजू

भंडारा 10 नवजात बालक मृत्यू प्रकरणात राज्य सरकारची पोकळ कारवाई? निलंबित डॉक्टर पुन्हा कामावर रुजू

भंडारा इथल्या माजी जिल्हा शल्य चिकित्सक डॅा. प्रमोद खंडाते पुन्हा आरोग्य विभागात रुजू झाले आहेत. डॅा. खंडाते वर्धा जिल्हा रुग्णालयात रुजू झाल्याची माहिती समोर येत आहे.

टीव्ही 9 मराठी डिजीटल टीम

| Edited By:

Jan 25, 2021 | 12:16 PM

भंडारा : संपूर्ण देश हादरवून सोडणाऱ्या भंडारा जिल्हा रुग्णालयात लागेलेल्या आगीत 10 नवजात बालकांचा मृत्यू झाला होता. या प्रकरणात राज्य सरकारची थातूरमातूर कारवाई केली का? असा प्रश्न आता समोर येत आहे. कारण, भंडारा इथल्या माजी जिल्हा शल्य चिकित्सक डॅा. प्रमोद खंडाते पुन्हा आरोग्य विभागात रुजू झाले आहेत. डॅा. खंडाते वर्धा जिल्हा रुग्णालयात रुजू झाल्याची माहिती समोर येत आहे. आरोग्य उपसंचालक डॅाक्टर संजीव जायसवाल यांनी यासंबंधी माहिती दिली आहे. यामुळे राज्य सरकारच्या कारवाईवर प्रश्नचिन्ह उपस्थित होत आहे. (Bhandara hospital fire state government Suspended doctor resumes work)

मिळालेल्या माहितीनुसार, 10 नवजात बाळ मृत्यू प्रकरणात डॅा. प्रमोद खंडाते यांना निलंबीत करण्यात आलं होतं. पण आता ते पुन्हा कामावर रुजू झाले आहेत. त्यामुळे राज्य सरकारने नेमकी कशी कारवाई केली असा प्रश्न आता जनतेमधून विचारला जात आहे. दरम्यान, काही दिवसांआधीच राज्य सरकारने या प्रकरणात मोठी कारवाई केली होती. या दुर्घटनेला जबाबदार ठरवत तिथले डॉक्टर आणि नर्सवर कारवाई करण्यात आली होती. सिव्हिल सर्जन डॉ. प्रमोद खंडाते, वैद्यकीय अधिकारी अर्चना मेश्राम यांना निलंबित करण्यात आलं होतं. तर डॉ. सुनिता बडे यांची तातडीनं बदली करण्यात आली होती. तशी माहिती आरोग्यमंत्री राजेश टोपे यांनी दिली होती. पण आता प्रमोद खंडाते यांच्या कामावर रुजू झाल्यामुळे एकच खळबळ उडाली आहे.

रुग्णालयातील कर्मचाऱ्यांचा हलगर्जीपणा

9 जानेवारी रोजी भंडारा जिल्हा रुग्णालयातील शिशू केअर युनिटला मध्यरात्री आग लागली होती. या आगीत 10 नवजात बालकांचा मृत्यू झाला होता. त्यात 8 मुली तर 2 मुलांचा समावेश होता. या आगीत 3 बालकांचा होरपळून तर 7 बालकांचा धुरामुळे गुदमरून मृत्यू झाला होता. दरम्यान, रुग्णालयातील कर्मचाऱ्यांच्या सतर्कतेमुळे 7 बालकांना वाचवण्यात यश आलं होतं. या दुर्घटनेच्या चौकशीचे आदेश मुख्यमंत्री उद्धव ठाकरे यांनी दिले होते. त्यानुसार विभागीय आयुक्तांच्या अध्यक्षतेखाली एक चौकशी समिती नेमण्यात आली होती. या समितीनं केलेल्या तपासात रुग्णालयातील कर्मचाऱ्यांच्या हलगर्जीपणामुळे आग लागल्याचं समोर आलं आहे.

7 जणांवर कारवाई, 6 जणांचं निलंबन

आरोग्यमंत्र्यांनी दिलेल्या माहितीनुसार, भंडारा जिल्हा रुग्णालयाला लागलेल्या आगीच्या घटनेसंबंधीचा अहवाल काल उशिरा आरोग्य विभागाला मिळाला. त्या अहवालानुसार रेडियंट हिटरमध्ये स्पार्क झाल्यानं आग लागली होती. रात्री 1 ते 1.30 च्या सुमारास ही आग लागली. रुम बंद आणि तिथं प्लास्टिक असल्यानं आग पसरली. 2015 मध्ये या रुग्णालयाचं उद्घाटन झालं होतं. त्यावेळी रुग्णालयाचं फायर ऑडिट झालं नाही. आगीमागे ते कारणही आहे. तसंच तिथं उपस्थित असलेल्या डॉक्टर आणि नर्सनी कर्तव्यात कसूर केल्याचं दिसून आल्याची माहिती टोपे यांनी दिली आहे.

या प्रकरणात सिव्हिल सर्जन डॉ. प्रमोद खंडाते, वैद्यकीय अधिकारी अर्चना मेश्राम यांच्यावर निलंबनाची कारवाई करण्यात आली. तर डॉ. सुनिता बडे यांची तातडीनं बदली करण्यात आली आहे. त्याचबरोबर सुशील अबाते यांना बडतर्फ करण्यात आलं आहे. नर्स ज्योती भास्कर, स्टाफ नर्स स्मिता आंबीददुलके आणि शुभांगी साठवणे यांचं निलंबन करण्यात आल्याची माहिती आरोग्यमंत्र्यांनी दिली आहे. (Bhandara hospital fire state government Suspended doctor resumes work)

संबंधित बातम्या – 

Bhandara Hospital Fire : भंडारा जिल्हा रुग्णालय आग प्रकरणात अखेर मोठी कारवाई, सिव्हिल सर्जनसह 6 जणांचं निलंबन

भंडारा शासकीय रुग्णालयातील आगीला जबाबदार कोण? राज्याच्या आरोग्य यंत्रणेवर मोठं प्रश्नचिन्ह

Bhandara Hospital Fire | “माझ्या बाळाला एकदा तरी पाहू द्या”, बाळांच्या आई आणि नातेवाईकांची आर्त हाक

(Bhandara hospital fire state government Suspended doctor resumes work)

Follow us on

Most Read Stories

Click on your DTH Provider to Add TV9 MARATHI

राज्य चुनें