भंडारा : पानटपरी फोडणाऱ्या चोरट्याला अटक, 44 हजारांचा मुद्देमाल हस्तगत
मोहाडी तालुक्यातल्या चिचोलीमध्ये पानटपरी फोडून 44 हजारांचा मुद्देमाल लंपास करणाऱ्या चोरट्याला पोलिसांनी अटक केली आहे. तक्रार प्राप्त झाल्यानंतर अवघ्या काही तासांच्या आतच पोलिसांनी आरोपीला बेड्या ठोकल्या.
भंडारा : मोहाडी तालुक्यातल्या चिचोलीमध्ये पानटपरी फोडून 44 हजारांचा मुद्देमाल लंपास करणाऱ्या चोरट्याला पोलिसांनी अटक केली आहे. तक्रार प्राप्त झाल्यानंतर अवघ्या काही तासांच्या आतच पोलिसांनी आरोपीला बेड्या ठोकल्या. त्याच्याकडून मुद्देमाला जप्त करण्यात आला आहे. दरम्यान या प्रकरणात अधिक तपास सुरू असल्याची माहिती पोलिसांनी दिली.
मुद्देमाल जप्त
घटनेबाबत अधिक माहिती अशी की, भंडारा जिल्ह्याच्या मोहाडी तालुक्यातील चिचोलीमध्ये राजेंद्र सुधाकर सोनकुसरे यांच्या मालकीची पानटपरी आहे. या टपरीचे शटर तोडून अज्ञान चोरट्याने 38 हजार रुपये रोख व इतर साहित्य असा मिळून 44 हजार 400 रुपयांचा मुद्देमाल चोरून नेला होता. टपरीत चोरी झाल्याची घटना लक्षात आल्यानंतर सोनकुसरे यांनी आंधळगाव पोलीस ठाण्यात तक्रार दाखल केली होती. तक्रार मिळताच पोलिसांनी तपासाला सुरुवात केली.
अवघ्या काही तासांमध्ये चोरट्याला अटक
दरम्यान तपास सुरू असताना अवघ्या काही तासांमध्येच पोलिसांनी संबंधित चोरट्याला अटक केली आहे. त्याच्याकडून मुद्देमाल जप्त करण्यात आला आहे. ज्यामध्ये 38 हजार रुपये रोख व इतर साहित्याचा समावेश आहे. चोरट्याची चौकशी सुरू असल्याची माहिती पोलिसांनी दिली.
संबंधित बातम्या
MHADA exams | म्हाडा भरती पेपर फुटीचा प्रयत्न, मोठे मासे गळाला, पुण्यात तिघा जणांना अटक
Cyber Fraud | 400 रुपयांचा केक घेताना मुंबईत डॉक्टर महिलेची फसवणूक, 53 हजारांचा ऑनलाईन गंडा
Breaking: पंतप्रधान मोदींचं ट्विटर अकाऊंट हॅक, बिटकॉईन्सच्या संदर्भात खोडसळ घोषणा, फॉरवर्ड करु नका