Abjijeet Dipke : भारतात येताच कॉकरोच पार्टीचा नेता अभिजीत आईवडिलांना काय म्हणाला? काकांना अश्रू अनावर, म्हणाले, हे भाजप…

अवघ्या 15-20 दिवसांपूर्वी अस्तित्वात आलेली आणि देशभरात खळबळ माजवणारी कॉकरोच जनता पार्टी आज मैदानात उतरणार आहे. डिजिटल प्लॅटफॉर्मवर ठोस भूमिका घेणाऱ्या या पार्टीने आता आंदोलनाची हाक दिली असून दिल्लीत जंतरमंतरवर आंदोलन करण्यात येत आहे. या पक्षाचे संस्थापक अभिजीत दीपके आज दिल्लीत दाखल झाले. भारतात पोहोचल्यानंतर अभिजीत दिपके यांनी त्यांच्या आई-वडिलांसोबत संवाद साधला. – मी विमानतळावर पोहोचलो आहे सुखरूप आहे तुम्ही कसे आहात अशी विचारणा अभिजीतने आई वडिलांकडे केली. माझी काळजी करू नका, तुम्ही काळजी घ्या मी लोकशाही मार्गाने आंदोलन करतोय असंही अभिजीतने सांगितलं.

तर अभिजीतच्या काळजीने त्याच्या काकांना अश्रू अनावर झाले. हे भाजप सरकार काही करू शकते म्हणत अभिजित दिपके यांचे काका विलास दिपके यांच्या डोळ्यात अश्रू तरळले. याआधीही त्यांनी अभिजीतबद्दल काळजी व्यक्त केली होती

नीट आणि अन्य परिक्षांवरुन झालेल्या गोंधळावरुन केंद्रीय शिक्षण मंत्री यांनी राजीनामा द्यावा अशी मागणी कॉकरोच जनता पार्टीने केली आहे. याच पार्श्वभूमीवर राजधानी दिल्लीतील जंतरमंतरवर आंदोलन करण्यात येणार असून मोठ्या संख्येने आंदोलक सहभागी होणार आहे. अनेक नेते, अभिनेता प्रकाश राज यांच्यासह अनेकांनी या पक्षाला आणि आंदोलनाला पाठिंबा दर्शवला आहे.

भारतात येताच आई वडिलांना फोन

या आंदोलनासाठी अभिजीत दीपके हे अमेरिकेतून आज दिल्लीत दाखल झाले. शिक्षणासाठी तेअमेरिकेत असतात. आज सकाळी दिल्ली विमानतळावर त्यांचं आगमन झालं. भारतात पोहोचल्यानंतर अभिजीत यांनी आधी आई-वडिलांना फोन केला आणि भारतात सुखरूप आल्याचं सांगितलं. पालकांच्या तब्येतीची विचारपूस त्यांनी केली तसेच छत्रपती संभाजीनगर येथील घरासंदर्भातही त्यांनी विचारणा केली. माझी काळजी करू नका, तुम्ही काळजी घ्या मी लोकशाही मार्गाने आंदोलन करतोय, असं अभिजीतने आई-बाबांना सांगितलं.

कॉकरोच जनता पार्टीच्या आंदोलनात सहभागी होतांना लक्षात ठेवा

दरम्यान कॉकरोच जनता पार्टीच्या आंदोलनात सहभागी होताना काही गोष्टी लक्षात ठेवण्याचे, त्यांचे भान ठेवण्याचे आवाहन करण्यात आलं आहे.

– देशात काहीतरी गंभीरपणे बिघडलंय. देश चालविणारे व त्यांची प्रवृत्ती यांचा हिशोब झाला पाहिजे.

– वेदांत श्रीवास्तवा, सार्थक सिद्धांत, रायलेन अनिल,निसर्ग अधिकारी या विद्यार्थ्यांनी देशातील स्पर्धा व पात्रता परीक्षांचे ऑडिट करून परीक्षांबाबतीतील अव्यस्थापन उघड केले. आता अभिजित दिपके आणि त्याची कॉक्रोच जनता पार्टी टीम सरकार करीत असलेल्या शैक्षणिक दुर्लक्षितपणावर पुढील प्रहार करणार.

– ‘बदलो बदलो आज की शिक्षा, नही तो मांगनी होगी भिक्षा ‘ अशा घोषणा देत आम्ही मोठे झालो पण आज शिक्षणाची अधिकच दुरावस्था करून ठेवली आहे.

– शिक्षणमंत्री बदलून सुरुवात होईल पण दृष्टीकोन कसा बदलणार? कॉक्रोच जनता पार्टीच्या आजच्या आंदोलनात सहभागी होणाऱ्या सगळ्यांचे अभिनंदन. अहिंसक व लोकशाही मार्ग सोडू नका. आंदोलनात घुसखोरी करणाऱ्यांपासून सावध रहा, असं सांगण्यात आलं आहे.