कुख्यात डॉन संतोष आंबेकरलाही कोरोना संसर्ग, नागपुरातील एकूण रुग्ण संख्या 2774
नागपूर मध्यवर्ती कारागृहात असलेला कुख्यात डॉन संतोष आंबेकर यालाही कोरोनाचा संसर्ग झाला आहे (Corona infection to Nagpur Don Santosh Ambekar).
नागपूर : राज्याची उपराजधानी नागपूरभोवती कोरोनाचा विळखा वाढताना दिसत आहे. आता नागपूर मध्यवर्ती कारागृहात असलेला कुख्यात डॉन संतोष आंबेकर यालाही कोरोनाचा संसर्ग झाला आहे (Corona infection to Nagpur Don Santosh Ambekar). संसर्गानंतर सुरुवातीला काही दिवस त्याच्यावर कारागृहातील रुग्णालयातच उपचार करण्यात आले. सध्या त्याच्यावर मेयोमधील कोविड रुग्णालयात उपचार सुरु आहेत. मेयो परिसरात चोख पोलीस बंदोबस्त ठेवण्यात आला आहे.
नागपूर मध्यवर्ती कारागृहात आतापर्यंत 219 जणांना कोरोनाची लागण झाली आहे. यात कारागृहातील अधिकारी, कर्मचारी आणि कैद्यांचाही समावेश आहे. नागपुरात काल (17 जुलै) एकाच दिवशी 5 जणांचा कोरोनामुळे मृत्यू झाला. यासह नागपूर जिल्ह्यातील कोरोना बळींची संख्या 45 वर पोहचली आहे. गेल्या 24 तासांमध्ये नागपुरात तब्बल 125 नव्या कोरोना रुग्णांची नोंद झाली आहे. आता नागपूर जिल्ह्यातील कोरोना रुग्णांची एकूण संख्या 2774 वर पोहचली आहे.
नागपुरातील कोविड रुग्णालयातून काल दिवसभरात 79 रुग्णांना उपचारानंतर बरे झाल्याने डिस्चार्ज देण्यात आला. नागपुरात आतापर्यंत 1733 रुग्ण उपचारानंतर कोरोनामुक्त झाले आहेत.
राज्यात दोन दिवसात 16,922 नवे कोरोना रुग्ण, बाधितांचा आकडा 3 लाखांच्या दिशेला
राज्यात शुक्रवारी (17 जुलै) दिवसभरात कोरोनाचे तब्बल 8 हजार 308 नवे रुग्ण आढळले आहेत (Maharashtra Corona Update). त्यामुळे राज्यातील कोरोनाबाधितांचा आकडा 2 लाख 92 हजार 589 वर पोहोचला आहे. विशेष म्हणजे गुरुवारी (16 जुलै) दिवसभरात राज्यात सर्वाधिक 8 हजार 614 नव्या रुग्णांची नोंद झाली होती. त्यामुळे दोन दिवसात 16 हजार 922 नवे कोरोनाबाधित रुग्ण आढळले आहेत (Maharashtra Corona Update).
TOP 9 | लोकल ते ग्लोबल, सर्व बातम्या एकत्र, पाहा टॉप 9 न्यूज!
दिवसभरात 258 रुग्णांचा मृत्यू
राज्यात आज दिवसभरात 258 रुग्णांचा कोरोनामुळे मृत्यू झाला. यामध्ये फक्त मुंबईतील 62 रुग्णांचा समावेश आहे. राज्यातील मृत्यूदर हा 3.91 टक्के एवढा आहे. राज्यात आतापर्यंत 11 हजार 452 रुग्णांचा कोरोनामुळे मृत्यू झाला आहे.
दिवसभरात 2 हजार 217 रुग्णांनी कोरोनावर मात
राज्यात शुक्रवारी दिवसभरात 2 हजार 217 रुग्णांनी कोरोनावर मात केली. त्यामुळे त्यांना रुग्णालयातून डिस्चार्ज देण्यात आला. राज्यात आतापर्यंत 1 लाख 60 हजार 357 रुग्ण बरे झाले आहेत. तर 1 लाख 20 हजार 480 रुग्णांवर उपचार सुरु आहेत. राज्यातील रुग्ण बरे होण्याचं प्रमाण 54.81 टक्क्यांवर पोहोचलं आहे, अशी माहिती आरोग्यमंत्री राजेश टोपे यांनी दिली.
हेही वाचा :
Aishwarya Rai Corona | ऐश्वर्या आणि आराध्याही नानावटी रुग्णालयात दाखल
Corona infection to Nagpur Don Santosh Ambekar
