गोवंश हत्या बंदी कायद्याचे पालन करा; बकरी ईदच्या पार्श्वभूमीवर विधानसभा अध्यक्ष नार्वेकर यांच्या पोलीस महासंचालकांना सूचना

मोठी बातमी समोर येत आहे, बकरी ईदच्या पार्श्वभूमीवर विधानसभा अध्यक्ष राहुल नार्वेकर यांनी राज्याचे पोलीस महासंचालक सदानंद दाते यांना काही सूचना दिल्या आहेत. ज्यामध्ये त्यांनी बकरी ईदच्या पार्श्वभूमीवर महाराष्ट्रात आवश्यक त्या उपाययोजना करा, गोवंश हत्या बंदी कायद्याचे पालन करा, तसेच गोरक्षकांवर हल्ले होणार नाहीत याची खबरदारी घ्या असं म्हटलं आहे. मालेगाव, नाशिक, अहिल्यानगर, छत्रपती संभाजी नगर, सातारा, धाराशिव, धुळे, सोलापूर या जिल्ह्यांमध्ये गोवंश हत्या बंदी कायद्याचे उल्लंघन होण्याची शक्यता अधिक आहे, त्यामुळे बकरी ईद काळात या शहरांवर पोलिसांची करडी नजर असणार आहे. कुठेही गोवंश हत्या बंदी कायद्याचे उल्लंघन होऊ नये, यासाठी पोलिसांकडून विशेष खबरदारी घेण्यात येणार आहे.

नेमकं काय म्हणाले नार्वेकर? 

बकरी ईदच्या पार्श्वभूमीवर विधानसभेचे अध्यक्ष राहुल नार्वेकर यांनी राज्याचे पोलीस महासंचालक तसेच मुंबई पोलीस आयुक्तांना सूचना दिल्या आहेत. बकरी ईदच्या पार्श्वभूमीवर महाराष्ट्रात आवश्यक त्या उपाययोजना करा, असं नार्वेकर यांनी म्हटलं आहे. तसेच  गोवंश हत्या बंदी कायद्याचे पालन करा, गोरक्षकांवर हल्ले होता कामा नये, याची खबरदारी घ्या, असंही नार्वेकर यांनी म्हटलं आहे. दरम्यान बकरी ईदच्या पार्श्वभूमीवर  मालेगाव, नाशिक, अहिल्यानगर, छत्रपती संभाजी नगर, सातारा, धाराशिव, धुळे, सोलापूर या शहरांवर पोलिसांची विशेष नजर असणार आहे.

नितेश राणे यांची प्रतिक्रिया 

दरम्यान दुसरीकडे बकरी ईदच्या पार्श्वभूमीवर सरकारने एक परिपत्रक काढलं आहे, प्रत्येक पोलीस ठाण्यामध्ये हे परिपत्रक देण्यात आलं आहे. बकरी ईदच्या दिवशी कुठेही  गोवंश हत्या बंदी कायद्याचे उल्लंघन होणार नाही, यांची काटेकोर अंमलबजावणी केली जाणार, असं यावेळी मंत्री नितेश राणे यांनी म्हटलं आहे. दरम्यान  कत्तलखान्यांवर कारवाई सुरू आहे. अशा ठिकाणी छापे टाकण्याचं काम आमचे पोलीस करत आहेत, कारवाई होणार आहे. असंही नितेश राणे यांनी म्हटलं आहे. ते रविवारी नेरळमध्ये बोलत होते. बकरी ईदच्या पार्श्वभूमीवर पोलिसांनी आता तयारीला सुरुवात केली आहे.