गुलाबराव पाटील यांचं जळगावात ठाकरे गटाला ओपन चॅलेंज, म्हणाले….

gulabrao patil

Image Credit source: tv9 marathi

किशोर पाटील, Tv9 प्रतिनिधी, जळगाव | 2 मार्च 2024 : जळगाव लोकसभेत ठाकरे गटाच्या उमेदवाराने किमान डिपॉझिट वाचवून दाखवावं, असं चॅलेंज शिंदे गटाचे नेते आणि राज्याचे पाणी पुरवठा मंत्री गुलाबराव पाटील यांनी दिलं आहे. महाविकास आघाडीत जळगाव लोकसभेची जागा ठाकरे गटाला सुटली आहे. त्यावर मंत्री गुलाबराव पाटील यांचे ठाकरे गटाला आव्हान दिलं आहे. “ते डिपॉझिट वाचवू शकत नाहीत. बाकी काय बोलायचं”, अशी टीका गुलाबराव पाटील यांनी केली आहे.

महाविकास आघाडीमध्ये जळगाव लोकसभा मतदारसंघाची जागा ही शिवसेना ठाकरे गटाला सुटली आहे. या ठिकाणी ठाकरे गटाकडून तयारी सुरू झाली आहे. यावर प्रतिक्रिया देताना गुलाबराव पाटील यांनी ठाकरे गटाला खुलं आव्हान दिलं आहे. जळगाव लोकसभेत ठाकरे गटाच्या उमेदवाराने किमान डिपॉझिट वाचवून दाखवावं. डिपॉझिट ते वाचवू शकत नाही. बाकी काय बोलायचं, अशा शब्दात मंत्री गुलाबराव पाटील यांनी ठाकरे गटाला आव्हान दिलं आहे.

दरम्यान, गुलाबराव पाटील यांच्या या प्रतिक्रियेनंतर शिवसेना ठाकरे गटाकडून नेमकी काय प्रतिक्रिया येते हे पाहणं महत्त्वाचं असणार आहे .मात्र लोकसभेच्या निवडणुकीपूर्वीच जळगाव लोकसभा मतदारसंघात या निमित्ताने वातावरण तापल्याच पाहायला मिळत आहे.

ठाकरे गटाला कोणकोणत्या जागा सुटल्या?

दरम्यान, ठाकरे गटाला किती आणि कोणकोणत्या लोकसभेच्या जागा सुटल्या आहेत याबाबतची माहिती ‘टीव्ही 9 मराठी’च्या हाती लागली आहे. ठाकरे गटाच्या आतापर्यंत 18 जागा जवळपास निश्चित झाल्या आहेत. तसेच या जागांसाठी उमेदवारही जवळपास निश्चित झाल्याची माहिती सूत्रांकडून मिळत आहे.

शिवसेना ठाकरे गटाच्या उमेदवारांची यादी

• कल्याण – सुषमा अंधारे किंवा आदित्य ठाकरे
• ठाणे – राजन विचारे
• मुंबई दक्षिण – अरविंद सावंत
• मुंबई दक्षिण मध्य – अनिल देसाई
• मुंबई उत्तर पश्चिम – अमोल कीर्तीकर
• पालघर – भारती कामडी
• छ. संभाजीनगर – चंद्रकांत खैरे
• नाशिक – विजय करंजकर
• रायगड – अनंत गीते
• रत्नागिरी सिंधुदुर्ग – विनायक राऊत
• मावळ – संजोग वाघेरे
• बुलढाणा – नरेंद्र खेडेकर
• वाशिम-यवतमाळ- संजय देशमुख
• परभणी – संजय जाधव
• शिर्डी – भाऊसाहेब वाकचौरे
• धाराशिव – ओमराजे निंबाळकर
• जळगाव – हर्षल माने
• हिंगोली – नागेश आष्टिकर