Maharashtra News Live Update : दहिकाला पथकांना आमच्या हार्दिक शुभेच्छा आहे, सर्वांनी हा सण उत्साहात साजरा करावा – फडणवीस

आज दिनांक 19 ऑगस्ट 2022  आपण जाणून घेणार आहोत राज्यासह देशभरातील महत्त्वाच्या घडामोडी (Maharashtra News Live Update). सध्या पावसाळी अधिवेशन सुरू आहे. पावसाळी अधिवेशनाचे गेले दोन दिवस वादळी ठरले आहेत. आज जरी सुटी असली तरी देखील या पार्श्वभूमीव काही महत्त्वाच्या राजकीय घडामोडी घडू शकतात. अधिवेशनादरम्यान विरोधक आणि सत्ताधारी एकोमेंकांवर आरोप – प्रत्यारोप करताना पाहायला मिळत आहेत. दुसरीकडे राज्यात पाऊस (Monsoon Live Update) सुरूच असून, राज्यभरातील जलाशयाच्या पाणीपातळीत मोठी वाढ झाली आहे. तर काही भागांना दुसऱ्यांदा पुराचा फटका बसला आहे. तसेच आज राज्यभरात दहीहंडीचा थरार अनुभवयाला मिळणार आहे. गोविंदा पथक सज्ज झाले असून, कोरोनाच्या पार्श्वभूमीवर तब्बल दोन वर्षाने राज्यात दहीहंडी साजरी होत  असल्याने सर्वांचीच उत्सुकता शिगेला पोहोचली आहे.