Maharashtra Corona Update : राज्याला दिलासा, दिवसभरात 53 हजार 5 रुग्ण कोरोनामुक्त, तर 55 हजार 411 नव्या रुग्णांची नोंद

आज दिवसभरात 53 हजार 5 रुग्ण कोरोनामुक्त झाले आहेत. तर दिवसभरात 55 हजार 411 नवे कोरोना रुग्ण आढळून आले आहेत.

  • टीव्ही 9 मराठी डिजीटल टीम
  • Published On - 21:45 PM, 10 Apr 2021
Maharashtra Corona Update : राज्याला दिलासा, दिवसभरात 53 हजार 5 रुग्ण कोरोनामुक्त, तर 55 हजार 411 नव्या रुग्णांची नोंद
कोरोना चाचणी प्रातिनिधीक फोटो

मुंबई : राज्यात कोरोनाचा प्रादुर्भाव दिवसेंदिवस वाढत आहे. कोरोना रुग्णसंख्याही वाढतेय. पण आज कोरोनामुक्त होणाऱ्या रुग्णांची संख्या दिलासादायक आहे. आज दिवसभरात 53 हजार 5 रुग्ण कोरोनामुक्त झाले आहेत. तर दिवसभरात 55 हजार 411 नवे कोरोना रुग्ण आढळून आले आहेत. दिवसभरात 309 जणांचा कोरोनामुळे मृत्यू झाला आहे. कोरोना रुग्णांच्या संख्येत आजही मोठी वाढ झाली असली तरी रुग्ण बरे होण्याचं प्रमाणही 82.18 टक्क्यांवर पोहोचल्यामुळे राज्याला काहीसा दिलासा मिळाला आहे. (recovery rate of patients in the state increased, 55 thousand 411 people tested corona positive)

राज्यात सध्या 5 लाख 36 हजार 682 रुग्णांवर उपचार सुरु आहेत. नव्या आकडेवारीसह राज्यातील एकूण कोरोना रुग्णांची संख्या 33 लाख 43 हजार 951 वर पोहोचली आहे. त्यातील 27 लाख 48 हजार 153 रुग्ण कोरोनामुक्त होऊल घरी परतले आहेत.

मुंबईतील कोरोना स्थिती –

मुंबईत गेल्या 24 तासांत 9 हजार 327 जणांची कोरोना चाचणी पॉझिटिव्ह आली आहे. तर 8 हजार 474 रुग्ण कोरोनामुक्त होऊन घरी परतले आहेत. मुंबईतील मृतांची संख्या मात्र वाढली आहे. दिवसभरात 50 जणांचा कोरोनामुळे मृत्यू झाला आहे. मृतांमधील 30 रुग्णांना काही दीर्घकालीन आजार होते. मृतांमध्ये 34 पुरुष तर 16 महिलांचा समावेश आहे.

मुंबईत सध्या 91 हजार 108 रुग्णांवर उपचार सुरु आहेत. मुंबईतील बरे झालेल्या रुग्णांचा दर 79 टक्के झालाय. तर रुग्ण दुपटीचा कालावधी 34 दिवसांवर येऊन ठेपला आहे.

पुण्यातील कोरोना स्थिती –

पुणे शहरात आज दिवसभरात 4 हजार 953 नवे कोरोना रुग्ण आढळून आले आहेत. तर 4 हजार 389 जण कोरोनामुक्त झाले आहेत. पुण्यात दिवसभरात 46 जणांचा कोरोनामुळे मृत्यू झाला आहे. पुण्यात सध्या 50 हजार 473 रुग्णांवर उपचार सुरु आहेत.

नव्या आकडेवारीसह पुण्यातील एकूण कोरोना रुग्णांची संख्या 3 लाख 22 हजार 982 वर जाऊन पोहोचलीय. त्यातील 2 लाख 66 हजार 809 जण कोरोनामुक्त झाले आहेत. तर आतापर्यंत 5 हजार 700 जणांचा कोरोनामुळे मृत्यू झाला आहे.

नागपुरातील कोरोना स्थिती –

नागपूर जिल्ह्यात आज 5 हजार 131 नव्या कोरोना रुग्णांची नोंद झाली आहे. तर दिवसभरात 2 हजार 831 रुग्ण कोरोनामुक्त झाले आहेत. नागपुरातील मृतांचा आकडा दिवसेंदिवस चिंताजनक बनत चालला आहे. आज नागपूर जिल्ह्यात 65 जणांचा कोरोनामुळे मृत्यू झालाय. जिल्ह्यात सध्या 51 हजार 576 रुग्णांवर उपचार सुरु आहेत.

संबंधित बातम्या :

Maharashtra Lockdown : राज्यात लॉकडाऊन निश्चित! 2 दिवसांत निर्णय होणार, निर्बंध 8 की 14 दिवस?

CM Uddhav Thackeray : ..तर उद्या आपोआपच लॉकडाऊनची परिस्थिती उद्भवेल, मुख्यमंत्र्यांचे 14 महत्त्वाचे मुद्दे

recovery rate of patients in the state increased, 55 thousand 411 people tested corona positive