Maharashtra NCP Political Crisis | शरद पवार यांनी नाही सांगितली, तीच गोष्ट अजित पवारांनी केली मेळाव्यात

मुंबई : राष्ट्रवादी काँग्रेस पक्षात दोन गट पडले आहेत. दोन्ही गटांचे आज मुंबईत मेळावे सुरु आहेत. अजित पवार यांना मानणाऱ्या गटाचा बॅण्ड्रा MET येथे, तर शरद पवार यांच्या गटाचा यशवंतराव चव्हाण सेंटर येथे मेळावा सुरु आहे. दोन्ही बाजू आज शक्तीप्रदर्शन करुन आपली ताकद दाखवण्याचा प्रयत्न करत आहेत. पक्ष संघटना, जिल्हा, तालुका स्तरावरील कार्यकर्ते, नेते कोणाच्या बाजूने आहेत, हे दाखवण्याचा प्रयत्न करतायत.

सध्याच्या घडीला आमदारांची संख्या उपमुख्यमंत्री अजित पवार यांच्या बाजूने आहे. विधिमंडळातील जवळपास 32 आमदार अजित पवार यांच्या सभास्थळी उपस्थित आहेत. शरद पवार यांनी बोलवलेल्या बैठकीला उपस्थित असलेल्या आमदारांची संख्या 14 आहे.

दोन्ही ठिकाणी भाषणं

राष्ट्रवादी काँग्रेसच्या पक्षावर दोन्ही बाजूंनी आपला दावा सांगितला आहे. दोघांनी परस्परांचे पदाधिकारी हटवून तिथे नव्याने नियुक्ती केली आहे. विधिमंडळापासून पक्षसंघटनेत नव्याने पदाधिकाऱ्यांची नियुक्ती झाली आहे. मुंबईत दोन्ही ठिकाणी दोन्ही गटाच्या नेत्यांची भाषण सुरु आहेत. जे सांगितलं करु नको, तेच केलं

अजित पवार यांनी आयोजित केलेल्या मेळाव्याच्या ठिकाणी एक गोष्ट दिसून आली. शरद पवार यांनी त्यांना एक गोष्ट करु नको म्हणून सांगितली होती, तीच गोष्ट त्यांनी केली. माझा फोटो वापरायचा नाही, असं शरद पवार यांनी अजित पवार आणि त्यांच्या समर्थकांना सांगितलं आहे. पण आज MET येथे सुरु असलेल्या मेळाव्यात एक भव्य बॅनर लावला असून त्यावर शरद पवार यांचा फोटो आहे. हीच गोष्ट अजित पवार यांना नको म्हणून शरद पवारांनी सांगितली होती.