Maratha Andolan | पप्पांना खास गिफ्ट देणार, मनोज जरांगे पाटील यांच्या मुलाने सांगितलं सस्पेन्स

जालना, दि.27 जानेवारी 2024 | मराठा समाजासाठी प्राणांची बाजी लावून आंदोलन करणाऱ्या मनोज जरांगे पाटील यांच्या आंदोलनाची यशस्वी सांगता झाली. त्यानंतर राज्यभरात मराठा समाजाकडून जल्लोष सुरु झाला. मराठा समाजाकडून मनोज जरांगे पाटील आणि मुख्यमंत्री एकनाथ शिंदे यांच्या जल्लोषाच्या घोषणा दिल्या जात आहेत. यावेळी मनोज जरांगे पाटील त्यांच्या कुटुंबात आनंद उत्सव सुरु आहे. मनोज जरांगे पाटील यांची मुले आनंदीत झाली आहे. साडेपाच महिन्यानंतर पप्पा मिळणार असल्याचा आनंद त्यांचा मुलगा शिवराज याने व्यक्त केला. यावेळी आपण पप्पांना खास गिफ्ट देणार असल्याचे त्याने सांगितले.

काय म्हणाला शिवराज

आमच्यासाठी आजचा दिवस सणासारखा आहे. माझ्या पप्पांनी समाजासाठी काम केले. त्यांच्या आंदोलनाचे आता सार्थक झाले. त्याचा आज मला खूप आनंद होत आहे. यामुळे मी पप्पांना खास गिफ्ट देणार आहे. अर्थात माझे हे गिफ्ट हे सस्पेन्स आहे. पप्पा घरी आल्यावर मी देणार आहे. साडे पाच महिन्यांनंतर पप्पा घरी येणार आहेत. त्याचा मोठा आनंद आम्हा सर्वांना आहे. मराठा समाजाला आरक्षण मिळवून दिल्याशिवाय मी घरी जाणार नाही, असा प्रतिज्ञा मनोज जरांगे पाटील यांनी केली होती. ती आता पूर्ण झाली आहे.

सर्वांच्या चेहऱ्यांवर आनंद

मुंबईत दाखल होण्यापूर्वी मनोज जरांगे पाटील यांच्या सर्व मागण्या मान्य झाल्या. यामुळे जरांगे यांचा परिवारास कमालीचा आनंद झाला. आता कुटुंबातील सर्व सदस्य त्यांची आतूरतेने वाट पाहात आहेत. प्रत्येकाने मनोज जरांगे पाटील यांच्यासाठी खास नियोजन केले आहे. साडे पाच महिन्यांनंतर मनोज जरांगे पाटील घरी येणार असल्यामुळे सर्वांच्या चेहऱ्यावर आनंद ओसंडून वाहत आहे.

मनोज जरांगे यांच्या आंदोलनाला यश आले आहे. या आंदोलना दरम्यान त्यांच्या कुटुंबियांचा त्याग महत्त्वाचा ठरला. आता मराठा समाजास आरक्षण मिळाले आहे, त्यामुळे आपल्या पप्पांनी लवकर घरी यावे, अशी प्रतिक्रिया मनोज जरांगे यांच्या मुलगा शिवराज याने व्यक्त केली.

हे ही वाचा…

मराठा समाजासाठी 2011 पासून आंदोलन, अखेर 2024 मध्ये यश, मनोज जरांगे 14 वर्षांचा वनवास संपला