देशात गडबड करणारा जन्माला यायचा आहे, आम्ही पाकिस्तानात जाऊन ठोकतो, गुलाबराव पाटील यांचा राज ठाकरेंना टोला

देशात येत्या काही महिन्यात मोठी गडबड होण्याची शक्यता आहे. एक वेळ अशी येईल की देशाला पंतप्रधानच नसेल असे वक्तव्य मनसेचे अध्यक्ष राज ठाकरे यांनी केले होते. या वक्तव्याचा मंत्री गुलाबराव पाटील यांनी एका कार्यक्रमात समाचार घेतला आहे. देशात गडबड करणारा मायचा लाल अजून जन्माला यायचा आहे. हे नरेंद्र मोदी यांचे सरकार आहे. कोणी गडबड केली आम्ही सरळ पाकिस्तानात जाऊन ठोकतो अशा शब्दात गुलाबराव पाटील यांनी राज ठाकरे यांना टोला लगावला आहे.