मतदानादरम्यान मजुरांना गावी परतण्याची सोय करता, आपत्ती काळात विरोध कशाला : सदाभाऊ खोत

राज्यातील मजुरांना, कामगारांना ही सवतीची भूमिका का?" असा सवाल सदाभाऊ खोत यांनी विचारला (Sadabhau Khot On worker stuck in Mumbai Pune) आहे.

NamrataP | Updated on: May 18, 2020 | 6:31 PM

पुणे : मुंबई आणि पुण्यासारख्या शहरांमध्ये अडकलेल्या राज्यातील मजुरांसाठी (Sadabhau Khot On worker stuck in Mumbai Pune) रयत क्रांती संघटनेचे अध्यक्ष आणि आमदार सदाभाऊ खोत यांनी आक्रमक पावित्रा धारण केला आहे. या मजुरांना गावात प्रवेश देण्यास विरोध करणाऱ्या लोकप्रतिनिधींचाही त्यांनी समाचार घेतला. मुंबई आणि पुण्यासारख्या महानगरातील मजुरांना गावी परतण्याची सोय सरकारनं त्वरित करावी, अशा सूचनाही सदाभाऊ खोत यांनी केल्या.

“निवडणुकीत मतदानासाठी या कामगारांना गावात आणण्यात सर्वच (Sadabhau Khot On worker stuck in Mumbai Pune) राजकीय पक्ष पुढे असतात. हे कामगार तुमचा जयजयकार करण्यासाठी चालतात. मग अशा आपत्तीच्या काळात या मजुरांना त्यांच्या गावात विरोध का करता,” असा सवाल सदाभाऊ खोत यांनी उपस्थित केला आहे.

“आम्ही या कामगारांना, मजुरांना वाऱ्यावर सोडणार नाही. यासाठी सरकारने त्वरित उपाययोजना करावी. अन्यथा आंदोलन करु,” असा इशारा सदाभाऊ खोत यांनी दिला आहे.

“लॉकडाऊनमुळे मुंबई, पुण्यासारख्या महानगरात अनेक ठिकाणी राज्यातील मजूर कामगार अडकले आहेत. त्यांच्या जवळील पैसा आणि अन्नधान्य संपलं आहे. अशाही परिस्थितीत ते हजारो मैल पायपीट करत आहे. सरकार देशातील नागरिकांना परदेशातून विमानानं मायदेशात आणत आहे. तर राज्यातील परप्रांतीयांना रेल्वे आणि बसने पाठवत आहे. मग राज्यातील मजुरांना, कामगारांना ही सवतीची भूमिका का?” असा सवाल सदाभाऊ खोत यांनी विचारला आहे.

“या मजुरांना त्यांच्या गावी जाण्यासाठी सरकारने उपाययोजना करावी. अन्यथा परप्रांतीय मजुरांप्रमाणे राज्यातील मजूरांचा प्रश्न ही गंभीर बनेल,” अशी भीती खोत यांनी व्यक्त केली. मजूर गावात आल्यानंतर त्यांना जिल्हा परिषदेच्या शाळांमध्ये क्वारटांईन करुन ठेवा, अशी सूचना ही त्यांनी (Sadabhau Khot On worker stuck in Mumbai Pune) केली.

Malegaon Corona | मालेगावात नवे कोरोनाग्रस्त घटले, कोरोनामुक्त रुग्णांच्या संख्येतही वाढhttps://t.co/NTs41tw37h #Malegaon #coronavirus #CoronaInMaharashtra

— TV9 Marathi (@TV9Marathi) May 18, 2020