VIDEO : खासदार नवनीत राणा यांचा आदिवासी महिलांसोबत ठेका
खासदार नवनीत राणा यांचा आदिवासी महिलांसोबतचा (MP Navneet Rana dance) एक व्हिडीओ समोर आला आहे. या व्हिडीओमध्ये त्या आदिवासी महिलांसोबत पारंपरिक नृत्य करताना दिसत आहेत.
अमरावती : खासदार नवनीत राणा यांचा आदिवासी महिलांसोबतचा (MP Navneet Rana dance) एक व्हिडीओ समोर आला आहे. या व्हिडीओमध्ये त्या आदिवासी महिलांसोबत पारंपरिक नृत्य करताना दिसत आहेत (MP Navneet Rana dance). हा व्हिडीओ सोशल मीडियावरही व्हायरल होत आहे.
VIDEO : खासदार नवनीत राणा यांचं आदिवासी महिलांसोबत पारंपरिक नृत्य pic.twitter.com/Gr2Xwrgtgw
— TV9 Marathi (@TV9Marathi) March 10, 2020
होळी निमित्त नवनीत राणा आणि त्यांचे पती आमदार रवी राणा दरवर्षी मेळघाटातील अनेक गावांमध्ये जावून आदिवासींना शुभेच्छा देतात. यावर्षीदेखील ते होळी निमित्त पाच दिवस मेळघाटातील विविध गावात गेले आणि आदिवासी नागरिकांना शुभेच्छा दिल्या. विशेष म्हणजे यावर्षी नवनीत राणा यांनी आदिवासी महिलांसोबत पारंपारिक आदिवासी नृत्य करुन होळी साजरी केली.
नवनीत राणा यांनी आज सकाळी ट्विटरवर एक व्हिडीओ शेअर केला आहे. या व्हिडीओत त्यांनी होळीच्या शुभेच्छा दिल्या. “रंगपंचमी साजरी करताना पर्यावरणीय रंगांचा वापर करा आणि काळजी घ्या”, असं आवाहन त्यांनी केलं.
#HappyHoli #होली pic.twitter.com/YSHp9eQVpI
— Navneet Kaur Rana (@NavneetKRana) March 10, 2020
नवनीत राणा आपल्या मतदारसंघात विविध सांस्कृतिक कार्यक्रमांना हजर राहून सहभागी होतात. याअगोदर सप्टेंबर 2019 मध्ये नवनीत राणा यांचा दांडीया खेळल्याचा व्हिडीओ समोर आला होता. अमरावतीतील रचना नारी मंचने दांडीयाचे प्रशिक्षण आयोजित केले होते. या प्रशिक्षणात खासदार नवनीत राणा (Navneet rana garba dance) यांनी हजेरी लावली होती. त्यावेळी नवनीत राणा दांडीया खेळल्या होत्या.
VIDEO : खासदार नवनीत राणा यांची दांडीयाची तयारी pic.twitter.com/vWBUCKiQzA
— TV9 Marathi (@TV9Marathi) September 27, 2019
सिनेअभिनेत्री म्हणून नवनीत राणा या प्रसिद्ध आहेत. त्यातच त्यांनी काही महिन्यांपूर्वी झालेल्या लोकसभा निवडणुकीत अमरावती मतदारसंघातून विजय मिळवला. नवनीत राणा यांचे पती रवी राणाही विद्यमान आमदार आहेत.
दरम्यान, नवनीत राणा यांनी निवडून आल्यानंतर कामांचा धडाका लावलाय. जिल्ह्यामध्ये फिरुन समस्या समजून घेणे, प्रशासनाला योग्य आदेश देणे यासह विविध कामे त्यांच्याकडून केली जात आहेत. अमरावती जिल्ह्यातील मेळघाटात कुपोषणाचं प्रमाण मोठं आहे. याकडेही नवनीत राणा लक्ष देत आहेत. शिवाय त्यांनी संसदेतही निराधारांना जास्त मदत देण्याची मागणी केली होती.
हेही वाचा : VIDEO : खासदार नवनीत राणांचा दांडीयाच्या गाण्यावर ठेका
