तो सिनेमा पाहायला गेले नि पोलिसांनी पकडले…बावनकुळेंची प्यार वाली Love Story, स्वत:चा सांगितला तो किस्सा

Chandrashekhar Bawankule Love Story: सोशल मीडियावर इन्फ्ल्यिनुसर कडून होणाऱ्या टिकेवरून महसूल मंत्री चंद्रशेखर बावनकुळे यांनी मुलगी पळून नेल्याचा खुमासदार किस्सा सांगितला. सांगलीच्या मिरजेमध्ये डिजिटल मीडियाच्या राज्य अधिवेशनात ते बोलत होते. यावेळी त्यांनी त्यांची प्रेमकथा समोर आणली. त्यांनी प्रेमासाठी वाट्टेल ते करण्याची तयारी दाखवली. घरच्यांचा विरोध असतानाही प्रेमासाठी खस्ता खाल्याचे त्यांनी सांगितले. त्यांनी त्या काळाला उजळला देत प्रेमासाठी तुरुंगवारी केल्याचेही सांगितले.

सिनेमा पाहिला आणि पोलिसांनी पकडले

नागपूरमध्ये कयामत से कयामत तक पिक्चर बघण्यासाठी होणार्‍या बायकोला घेऊन गेलो. त्यानंतर अल्पवयीन म्हणून पोलिसांनी पकडले. अल्पवयीन मुलगी पळवून नेल्याचा गुन्हा दाखल झाला. त्यामुळे 7 दिवस तुरूंगात राहावं लागलं असा किस्सा मंत्रिमहोदयांनी सांगितले. पुढे जाऊन लग्न झालं, माझ्या मुलगी पळून नेल्याची टीका करणाऱ्या त्या इन्फ्ल्यूंसरला ती माझीच बायको होती,हे माहित नाही,अशी मिश्किल टिप्पणी केली, मंत्री बावनकुळे याची लव्हस्टोरी ऐकून सभागृहात एकच हशा पिकला.

प्रेमासाठी वाट्टेल ते

घरीची परिस्थिती चांगली होती. बावनकुळे हे तेली समाजाचे तर त्यांची पत्नी ही कुणबी समाजाची, त्यांच्या या प्रेम विवाहाला घरच्या मंडळींनी विरोध केला. घरी 200 एकर जमीन आणि मोठा कुटुंब कबिला होता. पण घरच्यांना हे लग्न मान्य नव्हते. ते 10 बाय 10 च्या खोलीत राहिले. प्रसंगी त्यांनी दूध विकले. ऑटो चालवला. परिस्थितीच तशी होती की संसारसाठी ही कामं करावी लागली असे बावनकुळे यांनी सांगितले. तो काळ वाईट गेला. परिस्थितीनुसार काम करावे लागले. पण पुढे घरच्यांचा विरोध मावळला. त्यांनी दोघांनाही स्वीकारले. बावनकुळे यांनी त्यांची प्रेमकथा या कार्यक्रमात सांगितली.

घराबाहेर काढले

ज्योती बावनकुळे आणि चंद्रशेखर बावनकुळे हे कयामत से कयामत तक सिनेमा पाहायला गेले. पण तिथे पोलिसांनी दोघांना पकडले. अल्पवयीन मुलीला पळवल्याप्रकरणी गुन्हा दाखल होऊन तुरुंगाची हवा खावी लागली. दोघांच्याही घरचे नाराज होते. बावनकुळेंच्या घराच्यांनी त्यांना थेट बाहेरचा रस्ता दाखवला. तेव्हा प्रेमासाठी आणि कुटुंबासाठी पडेल ते काम केल्याची आठवण बावनकुळे यांनी जागवली.