दादरमध्येही कोरोनाचा शिरकाव, शिवाजी पार्क परिसरात कोरोनाचा रुग्ण

मुंबई : राज्यात कोरोनाबाधितांची संख्या दिवसेंदिवस वाढत चालली (Dadar Corona Positive patient)  आहे. राज्यात कोरोनाबाधितांची 496 वर पोहोचली आहे. मुंबईत वरळी कोळीवाडा, धारावी, पवई या ठिकाणानंतर दादरमध्येही कोरोनानेही शिरकाव केला आहे. दादर शिवाजी पार्क परिसरात कोरोनाचा रुग्ण आढळला आहे. त्यामुळे मुंबईकरांची चिंता अजून वाढली आहे.

दादर चौपाटीजवळील एका इमारतीत राहणाऱ्या 60 वर्षीय वृद्धाला (Dadar Corona Positive patient) कोरोनाची लागण झाली आहे. या व्यक्तीवर एका खाजगी रुग्णालयात उपचारासाठी दाखल केले आहे.

हा व्यक्ती राहत असलेली इमारत ही सील करण्यात आली आहे. तसेच कुटुंबातील अन्य सदस्य आणि इमारतीतील रहिवाशांनाही क्वारंटाईन करण्यात आले आहे. दादरमध्ये कोरोना पॉझिटिव्ह असलेल्या रुग्णाचा वरळी कोळीवाड्यात प्रिंटिग प्रेसचा व्यवसाय आहे.

मुंबईत पोलीस कर्मचाऱ्याला कोरोनाची लागण

तर दुसरीकडे मुंबई पोलीस कर्मचाऱ्याला कोरोनाची लागण झाली आहे. या अधिकाऱ्या सेव्हन हिल्स रुग्णालयात उपचारासाठी दाखल करण्यात आला आहे. काही कारणात्सव डिसेंबर महिन्यापासून हा कर्मचारी डिसेंबरपासून रजेवर होता. दरम्यान सावधगिरी म्हणून या कर्मचाऱ्याची पत्नी, मुलगी आणि मुलाला रुग्णालयात उपचारासाठी दाखल करण्यात आले आहे. यापूर्वी झोन 6 च्या डीसीपीला कोरोना संशंयित म्हणून रुग्णालयात दाखल करण्यात आले होते. मात्र या व्यक्तीचा रिपोर्ट नेगिटिव्ह आला आहे.

मिरा-भाईंदरमध्ये कोरोना पॉझिटिव्ह रुग्णांची संख्या 6 वर

मिरा-भाईंदरमध्ये कोरोना पॉझिटिव्ह रुग्णांची संख्या 6 वर पोहोचली आहे. मिरा रोडमध्ये राहणाऱ्या एकाच घरातील पाच रुग्णांना कोरोनाची लागण झाली आहे. यातील एका व्यक्तीचा रिपोर्ट कोरोना पॉझिटिव्ह आला आहे. या सहा रुग्णांची परदेशी प्रवास केलेला नाही. मिरा भाईंदरमध्ये 9 कोरोना संशयित रुग्ण आढळले आहेत. पालघरमध्ये आतापर्यंत 11 जणांना कोरोनाची लागण झाली (Dadar Corona Positive patient) आहे.

महाराष्ट्रात कुठे किती रुग्ण?

मुंबई – 306‬ पुणे (शहर+ग्रामीण) – 60 पिंपरी चिंचवड – 16 सांगली – 25 अहमदनगर – 20 नागपूर -16 कल्याण-डोंबिवली – 23 नवी मुंबई – 22 ठाणे – 16 वसई-विरार – 8 पनवेल – 14 पालघर – 11 यवतमाळ – 4 बुलडाणा – 4 सातारा -3 कोल्हापूर – 2 उल्हासनगर – 1 गोंदिया -1 औरंगाबाद -3 सिंधुदुर्ग – 1 नाशिक -1 रत्नागिरी – 2 जळगाव – 1 हिंगोली – 1 उस्मानाबाद  – 2 वाशिम – 1 इतर राज्य (गुजरात) – 1 एकूण – 565