Mumbai Power cut: मुंबईतील वीजपुरवठा खंडित का झाला; तांत्रिक बिघाडाची चौकशी करणार- नितीन राऊत
महापरेषणच्या 400KV कळवा पडघा GSI केंद्रात सर्किट 1 देखभाल-दुरुस्ती सुरु होती.
मुंबई: गेल्या काही तासांपासून मुंबई आणि लगतच्या परिसरात ठप्प असलेला वीजपुरवठा आणखी तासाभरात पूर्ववत होईल, असे आश्वासन उर्जामंत्री नितीन राऊत यांनी दिले आहे. मुंबईसह इतर भागातील वीजपुरवठा एकाचवेळी खंडित झाल्याने सध्या गोंधळाचे वातावरण आहे. या पार्श्वभूमीवर उर्जामंत्री नितीन राऊत यांनी ‘टीव्ही 9 मराठी’शी बोलताना वीजपुरवठा तासाभरात पूर्ववत करण्याचे आश्वासन दिले. तसेच वीजपुरवठा सुरळीत झाल्यानंतर तांत्रिक बिघाड का झाला, याची चौकशी करणार असल्याचेही नितीन राऊत यांनी सांगितले. (Power cut in Mumbai)
एका तासात वीज पूर्ववत सुरू होईल . वीज पुरवठा सुरळीत झाल्यानंतर ज्या कारणामुळे तांत्रिक बिघाड झाला त्याची चौकशी करण्यात येईल.
— Dr. Nitin Raut (@NitinRaut_INC) October 12, 2020
महापरेषणच्या 400KV कळवा पडघा GSI केंद्रात सर्किट 1 देखभाल-दुरुस्ती सुरु होती. यावेळी सर्व भार सर्किट 2 वर होता. मात्र, सर्किट 2 मध्ये अचानक तांत्रिक बिघाड झाल्याने मुंबई आणि ठाण्यातील वीज गेल्याचेही नितीन राऊत यांनी सांगितले. यानंतर सर्किट 2च्या दुरुस्तीचे काम युद्धपातळीवर हाती घेण्यात आल्याचे राऊत यांनी म्हटले.
#powercut मुंबईतील वीज गायब, ऊर्जामंत्री नितीन राऊत यांची प्रतिक्रिया @NitinRaut_INC pic.twitter.com/fp4TU3vwfN
— TV9 Marathi (@TV9Marathi) October 12, 2020
सध्या मुंबई, नवी मुंबई, ठाणे, पनवेल भागात वीज पुरवठा खंडित झाल्याने तिन्ही मार्गावरील लोकल सेवा ठप्प झाली आहे. तसेच इंटरनेटही बंद झाल्याने मुंबई-ठाण्यातील कामं ठप्प झाली आहे. मुंबईतील अनेक भागात वीज पुरवठा खंडित झाल्याने रुग्णालयांना याचा फटका बसला आहे. ऑक्सिजन, व्हेंटिलेटर किंवा इतर तांत्रिक उपकरण बंद पडण्याची शक्यता असून जनरेटरच्या माध्यमातून रुग्णालयातील व्हेंटिलेटर सुरू करण्यात येत आहेत.
दोन तास उलटूनही मुंबईत बत्ती गुल; रेल्वे वाहतूक आणि कार्यालयीन कामकाज ठप्प https://t.co/7Nd6nYi6r1 #Mumbai #powercut #PowerFailure #poweroutage
— TV9 Marathi (@TV9Marathi) October 12, 2020
मुंबई-ठाण्यात वीज पुरवठा खंडित झाल्याने इंटरनेटही बंद झालं. त्या सरकारी आणि खासगी कार्यालयातील काम ठप्प झालं. तर इंटरनेट ठप्प झाल्यामुळे मोबाईलमधून मेसेजही जात नव्हते. सोशल मीडियाही अचानक ठप्प झाल्याने मुंबईकर थोडावेळ गोंधळून गेले होते. दुसरीकडे वीज गेल्याने कार्यालयातील कर्मचारी कार्यालयाबाहेर आले होते.
कोणकोणत्या भागात वीज गायब?
दादर लालबाग परळ प्रभादेवी वडाळा ठाणे नवी मुंबई पनवेल बोरिवली मालाड कांदिवली पेण पनवेल उरण कर्जत खालापूर
संबंंधित बातम्या:
Mumbai Power Cut | मुंबईतील वीज गायब, नेमकं कारण काय?
Mumbai Power Cut | मुंबई-ठाणे थांबले; पहिल्यांदाच सर्वाधिक वेळ बत्तीगुल
mumbai power cut ! मुंबई-ठाण्याला विजेचा झटका, रेल्वे, इंटरनेट ठप्प; रुग्णालयांनाही फटका
(Power cut in Mumbai)
