Mumbai Rains: मुंबई, पालघर,डहाणूसाठी पुढील 24 तास महत्वाचे, मुसळधार ते अतिमुसळधार पावसाचा इशारा
पुढील 24 तासात मुंबई, पालघर आणि डहाणू येथे मुसळधार ते अतिमुसळधार पावासाचा इशारा देण्यात आला आहे. त्याबरोबर ढगांचा कडकडाट आणि वीज देखील कोसळण्याची शक्यता आहे.
मुंबई: राज्याच्या राजधानी मुंबईला पावसानं झोडपून काढलं आहे. मुंबईतील काही भागात 200 मिमी पेक्षा जास्त पावसाची नोंद झाली. नालासोपारा, सायन रेल्वे रुळांवरुन मोठ्या प्रमाणात पाणी वाहत असल्याचं दिसून आलं. पुढील 24 तासात मुंबई, पालघर आणि डहाणू येथे मुसळधार ते अतिमुसळधार पावासाचा इशारा देण्यात आला आहे. त्याबरोबर ढगांचा कडकडाट आणि वीज देखील कोसळण्याची शक्यता आहे. याशिवाय जोरदार वारे वाहतील, असा इशारा देखील देण्यात आला आहे.
पुढील 4 तासात पावसाची काय परिस्थिती?
मुंबई शहर आणि उपनगरात पावसाच्या जोरदार सरी बरसतील, असा इशारा हवामान विभागानं दिला आहे. तर, पुढील तीन ते चार तासात काही ठिकाणी ढगांचा कडकडाट, वीज कोसळणे आणि जोरदार वारे वाहू शकतात, असा अंदाज हवामान विभागानं वर्तवला आहे.
Mumbai Rainfall update : pic.twitter.com/FeDNGJunvV
— Regional Meteorological Center,Mumbai (@RMC_Mumbai) July 17, 2021
पुढील 24 तासात मुंबईत मुसळधार ते अतिमुसळधार पावासाचा इशारा देण्यात आला आहे. त्याबरोबर ढगांचा कडकडाट आणि वीज देखील कोसळण्याची शक्यता आहे. याशिवा जोरदार वारे वाहतील, असा इशारा देखील देण्यात आला आहे.
मुसळधार पावसामुळे सखल भागातील रस्ते , रेल्वे मार्ग, प्रभावित होऊ शकतात. लोकल सेवाही प्रभावित होऊ शकते, असा अंदाज हवामान विभागानं वर्तवला आहे. भरतीची वेळ असल्यानं पुराचा धोकाही निर्माण होऊ शकतो, असंही सांगण्यात आलं आहे. जुन्या इमारती अति पावसामुळे कोसळू शकतात, 45-55 ते 60 किमी प्रति ताशी वेगानं वारे वाहू शकतात, असा इशारा हवामान विभागाकडून देण्यात आला आहे.
मुंबईत कुठे आणि किती पाऊस झाला ?
मुंबईत 17 जुलै सकाळपासून 18 जुलै मध्यरात्री 3.30 वाजेपर्यंत सांताक्रुझमध्ये 217.5 मिमी, कुलाबा 178.0 मिमी, महालक्ष्मी 154.5 मिमी, बांद्रा 202.0 मिमी, जुहू विमानतळ 197.5 मिमी, राम मंदिर 171.5 मिमी, मिरा रोड 204.0 मिमी, दहिसर 249.5.5 मिमी, भायंदरला 174.5 मिमी पाऊस झाला आहे.
#MumbaiRains Rainfall in Mumbai and around at 3.30am 18 th Jul. Extremely Heavy rainfall realized so far & severe floodings observed due to very very intense spell in a very short time. @mybmc & State DM Authority @DisasterState & other agencies are on job with full force. TC pic.twitter.com/f2nEcil4ss
— K S Hosalikar (@Hosalikar_KS) July 17, 2021
Mumbai Rain : मुंबईत पावसाचा हाहाकार, चेंबूरमध्ये घरांवर संरक्षक भिंत कोसळली, 14 जणांचा मृत्यू
मुंबईतील विक्रोळीत सहा घरांवर दरड कोसळली, तिघांचा मृत्यू, काही जण ढिगाऱ्याखाली अडकल्याची भीती
(Mumbai Rains IMD alert heavy to very heavy rainfall alert for Mumbai Palghar and Dahanu)
