मुंबईत वेस्टर्न एक्स्प्रेस हायवेवर एसटी उलटली, चालक पसार, कंडक्टर ताब्यात

मुंबई : मुंबईतील पश्चिम द्रुतगती मार्गावर गोरेगाव पुलावर एसटी बसला अपघात झाला. अपघातात बस उलटल्याने वेस्टर्न एक्स्प्रेस वेवरील वाहतूक काही काळासाठी ठप्प झाली होती. अपघातानंतर एसटी चालक पसार झाला, तर कंडक्टरला पोलिसांनी ताब्यात घेतलं. सुदैवाने अपघातात कोणालाही गंभीर दुखापत झालेली नाही. (Mumbai Western Express Highway ST Bus Accident)

एसटी उलटून एक प्रवासी जखमी

मुंबईतील पश्चिम द्रुतगती मार्गावरील गोरेगाव पुलावर रात्री एसटी बसला अपघात झाला. बस दहिसर भागातून मुंबईच्या दिशेने जाताना रस्त्यावरच उलटली. अपघात घडला त्यावेळी एसटी बसमध्ये तिघे जण प्रवास करत होते. यापैकी एक जण जखमी झाला आहे.

चालक पसार, कंडक्टर ताब्यात

अपघातानंतर बसचा चालक घटनास्थळावरुन पसार झाला, मात्र पोलिसांनी कंडक्टरला ताब्यात घेतलं आहे. एसटीचा नेमका अपघात कसा झाला, याबाबत अद्याप पूर्ण माहिती मिळालेली नाही.

द्रुतगती मार्गावर वाहतूक कोंडी

पश्चिम द्रुतगती मार्गावर एसटी बस पलटी झाल्यामुळे काही काळ वाहतूक कोंडी झाली होती. त्यानंतर उलटलेली बस रस्त्यावरुन हटवण्याचं काम सुरु करण्यात आलं.

एसटी बस चालकाने अपघातानंतर पोबारा केल्यामुळे अपघाताचं नेमकं कारण समजलेलं नाही. मात्र चालक पळून जाण्याचं कारण काय? याविषयी तर्कवितर्क लढवले जात आहेत.

संबंधित बातम्या :

तेलाचा टँकर आणि बसचा भीषण अपघात, 53 लोकांचा जागीच मृत्यू

नंदुरबारमध्ये मजुरांच्या वाहनाला भीषण अपघात, 6 जणांचा मृत्यू, 5 महिलांचा समावेश

(Mumbai Western Express Highway ST Bus Accident)