‘टीव्ही 9 मराठी’च्या 2 प्रतिनिधींची TVJA च्या महत्त्वाच्या पदावर निवड

मुंबई : टीव्ही जर्नलिस्ट असोसिएशन या संस्थेची द्विवार्षिक निवडणूक नुकतीच पार पडली. या निवडणुकीत TVJA च्या कार्यकारणीवर ‘टीव्ही 9 मराठी’च्या दोन प्रतिनिधींची निवड करण्यात आली आहे. टीव्ही 9 मराठीचे वरिष्ठ बातमीदार अक्षय कुडकेलवार यांची सहसचिवपदी, तर वरिष्ठ कॅमेरामॅन कल्पेश हडकर यांची उपाध्यक्षपदी बिनविरोध निवड झाली आहे. (TV 9 Marathi Two journalist selection for important post In TVJA Election)

गेल्या अनेक वर्षापासून टीव्ही जर्नलिस्ट असोसिएशन (टीव्हीजेए) ही संस्था मुंबई आणि महाराष्ट्रातील टीव्ही पत्रकारांच्या हितासाठी काम करते. दोन दिवसांपूर्वी या संस्थेची द्विवार्षिक निवडणूक पार पडली. या निवडणुकीत टीव्हीजेएच्या कार्यकारणीवर टीव्ही 9 मराठीच्या दोन सहकाऱ्यांची निवड करण्यात आली आहे.

यात वरिष्ठ कॅमेरामन कल्पेश हडकर हे उपाध्यक्षपदी निवडून आले. तर वरिष्ठ बातमीदार अक्षय कुडकेलवार यांची टीव्हीजेएच्या सहसचिवपदी बिनविरोध निवड झाली आहे. कल्पेश हडकर हे गेल्या समितीत खजिनदार म्हणून काम पाहत होते.

टीव्ही जर्नलिस्ट असोसिएशन ही संस्था पत्रकारांसाठी वैद्यकीय शिबीर, मानसिक ताण कमी करण्यासाठी, योगा शिबीर यासोबतच गृहनिर्माण प्रकल्पासारख्या विविध कल्याणकारी योजना राबवण्यासाठी टीव्हीजेए आणि सर्व नवनियुक्त सदस्य बांधील असणार आहे.

दरम्यान या संस्थेच्या माध्यमातून कोरोना काळात पत्रकारांसाठी दोन वेळा निशुल्क कोरोना चाचणी राबवण्यात आली होती. त्यासोबत कोरोना काळात नोकरी गेलेल्या बहुतांश सहकाऱ्यांना टीव्हीजेए संस्थेच्या माध्यमातून मदत करण्यात आली.

? TVJA संपूर्ण कार्यकारणी समिती?

अध्यक्ष – विनोद जगदाळे उपाध्यक्ष – कल्पेश हडकर सचिव – राजेश माळकर सहसचिव – अक्षय कुडकेलवार (बिनविरोध) कोषाध्यक्ष – राजिव रंजन

?सदस्य?

समीर शेळके राजू रेवनकर सुरेश साहिल अजित शिवतरकर संतोष पानवलकर संदीप पाटील राजू सोनावणे सर्वेश तिवारी मनश्री पाठक उर्वशी खोना (TV 9 Marathi Two journalist selection for important post In TVJA Election)

संबंधित बातम्या : 

मुंबईत 53 पत्रकारांना कोरोनाची लागण, वैद्यकीय सूत्रांची माहिती