नागपुरात वाढत्या ‘कोरोना’ रुग्णसंख्येला महापालिका प्रशासन जबाबदार, महापौरांचा आरोप

नागपूर : नागपुरात ‘कोरोना’बधित रुग्णांचा आकडा दररोज वाढताना दिसत आहे. यासाठी महापालिका प्रशासन जबाबदार असल्याचा आरोप नागपूरचे महापौर संदीप जोशी यांनी केला आहे. ‘कोरोना’च्या संकटकाळात महापौरांनी महापालिका आयुक्त तुकाराम मुंढे यांच्याकडे अंगुलीनिर्देश केल्याने आश्चर्य व्यक्त केलं जात आहे. (Nagpur Mayor Sandeep Joshi on Tukaram Mundhe)

‘नागपूरच्या आमदार निवास आणि इतर ठिकाणी कोरोना संशयितांना एकत्र क्वारंटाइन करुन ठेवलं जात आहे. यातील अनेक जण एकत्रितपणे वावरत आहेत. ज्यावेळी तपासणी अहवाल येतो, त्यावेळी यातील काहींचा अहवाल पॉझिटिव्ह येतो. मात्र तोपर्यंत त्यांनी इतरांनाही संसर्ग केलेला असतो’ असा दावा महापौर संदीप जोशी यांनी केला आहे.

आधी तपासणी करुन जे रुग्ण ‘कोरोना’ पॉझिटिव्ह येत आहेत, त्यांच्यावर उपचार करावेत, आणि जे निगेटिव्ह येत आहेत त्यांना क्वारंटाइन करुन ठेवावं. हे करताना ज्यांना अधिक लक्षणं आहेत, त्यांना लाल आणि ज्यांना लक्षणं नाही त्यांना हिरवा टॅग लावा’ असंही नागपूरच्या महापौरांनी सुचवलं आहे.

जर कोरोनाबाधित रुग्णांचा आकडा आणखी वाढला, तर याला सर्वस्वी महापालिका प्रशासन जबाबदार राहील, असा इशाराही महापौर यांनी दिला आहे. (Nagpur Mayor Sandeep Joshi on Tukaram Mundhe)

हेही वाचा : हिरमुसलेल्या तरुणाला नागपूर पोलिसांचं सरप्राईज, बर्थडे केक घरपोच

नागपूर शहरात आणखी एक महिला कोरोना पॉझिटिव्ह आढळल्याने आजच्या दिवसात सापडलेल्या रुग्णांची संख्या आठवर गेली आहे. नागपुरातील एकूण कोरोनाग्रस्तांची संख्या 89 झाली आहे.

चार रुग्णांना रविभवन शासकीय निवासस्थान, तर चौघा रुग्णांना वनामती येथे क्वारंटाइन करुन ठेवले होते. गेल्या 20 दिवसात नागपूर शहरात 72 रुग्ण वाढले आहेत. विशेष म्हणजे ‘कोरोना’मुळे मृत्युमुखी पडलेल्या रुग्णाच्या संपर्कातील किमान 37 जण पॉझिटिव्ह आढळले आहेत.

VIDEO : Corona 100 News | कोरोना 100 न्यूजhttps://t.co/CBqWPckB2c

— TV9 Marathi (@TV9Marathi) April 21, 2020

संबंधित बातमी :

नागपुरातील ‘त्या’ कोरोनाग्रस्त मृताच्या संपर्कातील 37 जण पॉझिटिव्ह

(Nagpur Mayor Sandeep Joshi on Tukaram Mundhe)