VIDEO | सरपंचाच्या निवडीवेळी गावात राडा, सदस्यांची पळवापळवी अन् दगडफेक, पाहा व्हिडीओ
दिंडोरी तालुक्यातील महाजे ग्रामपंचायत सरपंचपदाच्या निवडीवेळी मोठा राडा झाला आहे. (Nashik Dindori Mahaje sarpanch election)
नाशिक : दिंडोरी तालुक्यातील महाजे ग्रामपंचायत सरपंचपदाच्या निवडीवेळी मोठा राडा झाला. येथे सरपंचपदाच्या निवडीवेळी ग्रामपंचायत सदस्यांची पळवापळवी करण्यात आली. या प्रकारामुळे येथे तणावाचं वातावरण निर्माण झालं आहे. हा राडा एवढा गंभीर होता की, यामध्ये नागरिकांवर दगडफेक करण्यात आली. या दगडफेकीत काही पोलीससुद्धा जखमी झाले असून या प्रकारमुळे येथे तणावाचं वातावरण निर्माण झालं आहे. या घटनेचा व्हिडीओ सोशल मीडियावर व्हायरल होतोय. (clash between tow group in Nashik Dindori Mahaje sarpanch election)
संपूर्ण राज्यात ग्रामंपचायतीच्या निवडणुका पार पडल्या आहेत. निवडणुकीच्या काळात ग्रामीण भागातील वातावरण चांगलेच तापलेले होते. या निवडणुकीत राज्यातील मोठ्या नेत्यांचा प्रत्यक्ष सहभाग नसला तरी, सर्व पक्षांच्या नेत्यांचे राज्यातील ग्रामपंचायत निवडणुकीकडे विशेष लक्ष होते. निवडणुका पार पडल्यानंतर ग्रामीण भागातील तापलेले राजकारण शांत झाले, असे म्हटले जाऊ लागले. मात्र, सध्या वेगवेगळ्या ग्रामपंचायतीसाठी सरपंचाची निवड होत असल्यामुळे ग्रामीण भागात पुन्हा एकदा राजकीय डावपेच आखणे सुरु झाले आहे. अनेक ठिकाणी सरपंच पदाची निवड करताना तणावाचं वातावरण निर्माण होत आहे. नाशिकमधील दिंडोरीमधील महाजे येथे सरपंच निवडताना तर मोठा राडा झाला.
सरपंचाची निवड करताना झालेली दगडफेक, पाहा व्हिडीओ :
नेमका प्रकार काय?
नाशिकमधील दिंडोरी तालुक्यातील महाजे येथे सरपंच निवडीसाठी निवडून आलेले सदस्य आणि प्रशाकीय अधिकारी जमले होते. सरपंच निवडीची प्रकिया सुरु होती. मात्र यावेळी येथे सदस्य पळवापळवीचा प्रकार घडला. यामुळे तणावाचे वातावरण निर्माण होऊन येथे एकमेकांवर दगडफेक करण्यात आली. हा राडा एवढा गंभीर होता की, यामध्ये काही पोलीस आणि प्रशासकीय अधिकारी किरकोळ जखमी झाले.
दगडफेक झाल्यानंतर पोलिसांनी जमावाला पांगवण्याचा प्रयत्न केला. सध्या गावात तणााचे वातावरण निर्माण झाले आहे. या घटनेचा व्हिडीओ सध्या सोशल मीडियावर व्हायरल होत आहे.
इतर बातम्या :
सरपंचपदाच्या उमेदवाराला गाडीत बसवून लॉजवर नेले, धुळ्यात सिनेस्टाईल अपहरण
शंभूराज देसाईंच्या मेहनतीला यश, पाटण तालुक्यात 107 पैकी 68 ग्रामपंचायतींवर शिवसेनेचा झेंडा
(clash between tow group in Nashik Dindori Mahaje sarpanch election)