मालेगावच्या सभेतही 50 खोके, एकदम ओके; शिवसेनेच्या बंडखोर आमदारांना पुन्हा एकदा डिवचले

मालेगाव : काही दिवसांपूर्वी महाविकास आघाडीच्या सरकारला मुख्यमंत्री एकनाथ शिंदे यांनी बंडखोरी करून पायउतार केले होते. त्यानंतर राज्यात शिंदे-फडणवीस सरकार अस्तित्वात आले. मात्र एकनाथ शिंदे यांच्या शिवसेनेवर ठाकरे गटाकडून वारंवार 50 खोके एकदम ओके असा आरोप सातत्याने लावण्यात आला आहे. ठाकरे गटाच्या 50 खोके एकदम ओके या आरोपावर शिंदे गटाकडून उत्तर देण्यात आले आहे. मात्र आज मालेगावमध्ये होत असलेल्या उद्धव ठाकरे यांच्या सभेच्या ठिकाणीही 50 खोके एकदम ओके च्या घोषणांनी सभास्थळ दुमदूमून गेले होते.

मालेगावमध्ये ठाकरे गटाचे प्रमुख उद्धव ठाकरे यांची सभा होत आहे. त्यानिमित्ताने ठाकरे गटाच्या कार्यकर्त्यांच्या अलोट गर्दीतही आज 50 खोके एकदम ओकेच्या जोरदार घोषणाबाजी करण्यात आली.

मालेगावमध्ये उद्धव ठाकरे यांची सभा होण्याआधीच 50 खोके एकदम ओके च्या घोषणा पुन्हा एकदा घुमल्याने शिंदे गटाच्या आमदारांना डिवचले गेले आहे.

मालेगावमधील सभास्थळावर उद्धव ठाकरे यांच्या कार्यकर्त्यांनी खाऊन खाऊन माजले बोके, 50 खोके एकमद ओके अशा आशयाचे खोके सभास्थळी झळकल्याने याची जोरदार चर्चाही सुरु झाली आहे.

उद्धव ठाकरे यांच्या मालेगावमधील सभेआधीच या सभेची चर्चाही जोरदार पणे करण्यात आली होती. या सभेआधी संजय राऊत यांनी शिवसेनेच्या गद्दारांनी आम्हाला हिंदुत्व शिकवू नये असा टोला त्यांनी एकनाथ शिंदे यांच्या शिवसेनेतील नेत्यांना लगावला होता.

तर दुसरीकडे चंद्रशेखर बावनकुळे यांनी बारामती दौऱ्यावर असतानाही त्यांनी मालेगावातील सभेवरून उद्धव ठाकरे यांना लक्ष्य केले होते. मतांसाठी उद्धव ठाकरे यांनी हिंदुत्वाचा मुद्दा सोडून दिल्याची टीकाही करण्यात आली होती