हाथरस घटनेवरील जनतेची रिअॅक्शन योग्यच; पवारांची योगी सरकारवर टीका

उत्तर प्रदेश सरकारने त्या मुलीचा मृतदेह तिच्या कुटुंबीयांना का दिला नाही? पीडित मुलीच्या कुटुंबीयांना भेटायला जाणाऱ्या नेत्यांची तुम्ही अडवणूक का करता?, याचाच अर्थ उत्तर प्रदेशात कायद्याचं राज्य आणि मूलभूत अधिकार याला काही अर्थ राहिला नाही. म्हणून हाथरस प्रकरणावर जनतेची रिअॅक्शन उमटत आहे, असं शरद पवार यांनी सांगितलं.

भीमराव गवळी | Updated on: Oct 02, 2020 | 4:26 PM

मुंबई: हाथरस येथील घटनेतील पीडित तरुणीच्या मृतदेहाची उत्तर प्रदेश पोलिसांनी परस्पर विल्हेवाट लावली. असा प्रकार देशात कधीच घडला नाही. उत्तर प्रदेश पोलिसांनी कायदा हातात घेऊन केलेल्या कृत्याचा देशभरातून संताप उमटलेला असून जनतेची रिअॅक्शन योग्यच आहे, असं राष्ट्रवादीचे सर्वेसर्वा शरद पवार यांनी सांगितलं. (sharad pawar reaction on hathras gang rape)

शरद पवार यांनी पत्रकार परिषद घेऊन उत्तर प्रदेशातील हाथरस घटनेचा तीव्र शब्दांत निषेध व्यक्त केला. परस्पर मृतदेहाची विल्हेवाट लावण्याचा प्रकार देशात कधी घडला नाही. उत्तर प्रदेशातील पोलिसांनी कायदा हातात घेऊन टोकाची भूमिका घेतली. त्यामुळे देशभरात संताप व्यक्त होत आहे. माणूसकीच्या दृष्टीकोनातूनही पोलिसांनी असं वागायला नको होतं. त्यामुळे देशातील जनतेमधून संतप्त प्रतिक्रिया उमटत असून जनतेची रिअॅक्शन ही योग्यच आहे, असं शरद पवार यांनी सांगितलं.

उत्तर प्रदेश सरकारने त्या मुलीचा मृतदेह तिच्या कुटुंबीयांना का दिला नाही? पीडित मुलीच्या कुटुंबीयांना भेटायला जाणाऱ्या नेत्यांची तुम्ही अडवणूक का करता?, याचाच अर्थ उत्तर प्रदेशात कायद्याचं राज्य आणि मूलभूत अधिकार याला काही अर्थ राहिला नाही. म्हणून हाथरस प्रकरणावर जनतेची रिअॅक्शन उमटत आहे, असंही त्यांनी सांगितलं. महाराष्ट्रात अशा घटना घडल्यावर तात्काळ अॅक्शन घेतली जाते. पण उत्तर प्रदेशात लागोपाठ दोन घटना घडल्यानंतरही काहीच कारवाई करण्यात आली नाही. याचा अर्थ राज्य सरकार बघ्याची भूमिका घेत आहे असा होतो, असंही ते म्हणाले. (sharad pawar reaction on hathras gang rape)

केंद्राचा ‘तो’ निर्णय अनुकूल, पंतप्रधान नरेंद्र मोदींच्या आवाहनाला शरद पवारांची साथ https://t.co/VZHGqZwaVf @PawarSpeaks #SharadPawar

— TV9 Marathi (@TV9Marathi) October 2, 2020