परभणीत आभाळ कोसळलं, 233 मेंढ्या वाहून गेल्या, 24 तासात 232 MM पावसाची नोंद
हवामान विभागानं रायगड, रत्नागिरी, सिंधुदुर्ग, सातारा आणि कोल्हापूर, पुणे, ठाणे, पालघर, मुंबईला ऑरेंज अलर्ट जारी केला आहे. तर जालना, औरंगाबाद लातूर, नांदेड, परभणी आणि हिंगोलीला येलो अॅलर्ट जारी करण्यात आला आहे.
मराठवाड्यात बहुतांश जिल्ह्यात पावसानं दमदार हजेरी लावलीय. परभणी जिल्ह्यात तर आभाळच कोसळलय. ह्या पावसात शेतीचं, जनावरांचं, पीकाचं नुकसान झाल्याचं वृत्त आहे. त्यातल्या त्यात ओढ्या नाल्या, नद्यांना आलेल्या अचानक पुरामुळे जीवितहाणी मोठ्या प्रमाणात झाल्याचं समोर येतं आहे.
आणि 233 मेंढ्या दगावल्या परभणीत गाव आहे शिर्सी बुद्रुक. याच गावात 233 मेंढ्या दगावल्या आहेत. ह्या सर्व मेंढ्या 10 मेंढपाळांच्या आहेत. सर्वच्या सर्व मेंढ्या अचानक आलेल्या पुराच्या पाण्यात वाहून गेल्याचं मेंढपाळांनी सांगितलंय. एवढ्या मोठ्या प्रमाणात पावसामुळे मेंढ्या मरण्याची कदाचित ही पहिलीच घटना असेल. ह्या एका घटनेमुळे मेंढपाळांचं लाखो रुपयांचं नुकसान झालंय. त्याची भरपाई केली जावी अशी मागणीही होतेय.
१२ जुलै, महाराष्ट्र राज्यात येत्या 5 दिवसा साठी IMD ने मुसळधार ते अतिमुसळधार पावसाची शक्यता वर्तवण्यात आली आहे. कृपया IMD चे अपडेट्स पाहत राहा. pic.twitter.com/w3yXQ77O0R
— K S Hosalikar (@Hosalikar_KS) July 12, 2021
परभणीत रेकॉर्डब्रेक पाऊस परभणी हा तसा कोरडा जिल्हा म्हणून ओळखला जातो. पण इथं उन्हाळा, पावसाळा, हिवाळा असे तीनही ऋतू तीव्र असतात. नाही पडला तर पाऊसच पडत नाही आणि एकदा पडायला लागला तर थांबत नाही असे प्रसंग इथं अनेक वेळेस घडतात. त्याचीच पुन्हा प्रचीती आलीय. 24 तासात तब्बल 232 मिमी. एवढ्या रेकॉर्डब्रेक पावसाची नोंद झालीय. विशेष म्हणजे हा पाऊस जिल्ह्यातल्या बहुतांश भागात आहे.
राज्यात मुसळधार पावसाचा अलर्ट IMD ने 12 जुलै रोजी पाच दिवसांसाठी मुसळधार पावसाचा इशारा जारी केलाय. त्यातल्या पहिल्या दोन दिवसात मराठवाडा आणि कोकणात पावसानं चांगलंच झोडपून काढलंय. पुढचे तीन दिवस अजूनही मुसळधार पावसाची शक्यता आहे. त्यामुळेच विदर्भ मराठवाड्यातही जनावरांची काळजी घेणं गरजेचं आहे.
14 आणि 15 जुलै रोजी राज्यात पावसाची काय स्थिती हवामान विभागानं रायगड, रत्नागिरी, सिंधुदुर्ग, सातारा आणि कोल्हापूर, पुणे, ठाणे, पालघर, मुंबईला ऑरेंज अलर्ट जारी केला आहे. तर जालना, औरंगाबाद लातूर, नांदेड, परभणी आणि हिंगोलीला येलो अॅलर्ट जारी करण्यात आला आहे. (Parbhani heavy rain kills 233 sheep record break rain recorded in 24 hours)