Nanded Accident : नांदेडमध्ये कार आणि मोटारसायकलमध्ये अपघात; दोन ठार तर दोन गंभीर जखमी

गंगाधर माझळकर आणि केरबा हुरदूके हे दोन तरुण हिमायतनगर तालुक्यातील वाळकेवाडी येथील रहिवासी आहेत. दोघेही दुचाकीने वाळकेवाडी या आपल्या गावी येत होते. यावेळी हिमायतनगर ते भोकर महामार्गावरील सरसम गावाजवळ येताच भोकरकडून भरधाव येणाऱ्या कारने दुचाकीला जोराची धडक दिली.

नांदेडमध्ये कार आणि मोटारसायकलमध्ये अपघात

Reporter Rajiv Giri | Edited By: वैजंता गोगावले | Updated on: Mar 16, 2022 | 5:56 PM

नांदेड : कार आणि मोटारसायकलमध्ये झालेल्या भीषण अपघाता (Accident)त दोन जणांचा जागीच मृत्यू (Death) झाला असून इतर दोन जण गंभीर जखमी (Injured) झाल्याची घटना नांदेडमध्ये घडली आहे. नांदेडच्या हिमायतनगर ते भोकर महामार्गावरील सरसम या गावाजवळ दुपारी चार वाजता हा अपघात झाला. गंगाधर माझळकर आणि केरबा हुरदूके अशी अपघातात ठार झालेल्या दोघा तरुणांची नावे आहेत. तर अन्य दोन गंभीर जखमी झाले असून त्यांना नांदेडच्या शासकीय रुग्णालयात उपचारासाठी दाखल करण्यात आले आहे. (Two killed, two injured in car-motorcycle accident in Nanded)

गंगाधर माझळकर आणि केरबा हुरदूके हे दोन तरुण हिमायतनगर तालुक्यातील वाळकेवाडी येथील रहिवासी आहेत. दोघेही दुचाकीने वाळकेवाडी या आपल्या गावी येत होते. यावेळी हिमायतनगर ते भोकर महामार्गावरील सरसम गावाजवळ येताच भोकरकडून भरधाव येणाऱ्या कारने दुचाकीला जोराची धडक दिली. या अपघातात गंगाधर आणि केरबा हे दोन तरुण जागीच ठार झाले.

नाशिकमध्ये कार आणि मोटारसायकल अपघातात तरुण जखमी

नाशिक शहरातील सातपूर येथे मंगळवारी रात्रीच्या सुमारास मोटारसायकल आणि चारचाकी गाडीचा समोरासमोर अपघात होऊन यात एक 30 वर्षीय तरुण जखमी झाला आहे. अपघाताचे दृश्य सीसीटिव्हीत कैद झाले आहे. गंधर्व नंदा शाहू असे या तरुणाचे नाव असून त्याच्यावर खाजगी रुग्णालयात उपचार सुरू आहेत. गंधर्व हा रात्री काही कामानिमित्त घराबाहेर आला होता. काम संपवून शिवाजीनगरकडे जात असताना कारने अचानक घेतलेल्या वळणामुळे मोटारसायकल कारवर आदळली आणि गंधर्व कारच्या बोनेटला लागून लांब फेकला गेला. यात गंधर्व गंभीर जखमी झाला. (Two killed, two injured in car-motorcycle accident in Nanded)