Video | रेल्वे ट्रॅकवर 10 वर्षीय मुलाचा अपघात, जिवाची बाजी लावत रुग्णालयात केले दाखल, पोलीस शिपायाचे कौतूक
रेल्वे पोलिसांच्या कार्यतत्परतेमुळे वसई रेल्वे स्थानकावर एका दहा वर्षीय मुलाचे प्राण वाचले आहेत.
पालघर : रेल्वे पोलिसांच्या कार्यतत्परतेमुळे वसई रेल्वे स्थानकावर एका दहा वर्षीय मुलाचे प्राण वाचले आहेत. रेल्व रुळावर पडल्यामुळे हा मुलगा जखमी झाला होता. रेल्वे पोलिसात शिपाई असलेल्या ठाणाबीर यांनी त्याला तत्काळ रुग्णालयात दाखल केल्यामुळे त्याचे प्राण वाचले आहेत. जखमी झालेल्या युवकाचे नाव मलेशी देवाप्पा एलगी असून 20 जुलै रोजी ही घटना घडली. (Vasai railway police saved 10 year old boy who got accident on railway track)
वसई रेल्वे स्थानकावर आल्यानंतर मुलाचा अपघात
मिळालेल्या माहितीनुसार 20 जुलै रोजी मलेश एलगी नावाचा दहा वर्षांचा मुलगा सकाळी 11.15 वाजता चर्चगेट ते विरार दरम्यान स्लो लोकल ट्रेनमधून आला होता. यावेळी वसई रेल्वे स्थानकावर आल्यानंतर हा मुलगा अपघाताने रेल्वे रुळावर पडला. यामध्ये त्याला गंभीर दुखापत झाली. हा प्रकार समजल्यानंतर रेल्वे पोलिसातील एका शिपायाने घटनास्थळी धाव घेतली.
धावत जात पोलीस शिपायाने मुलाला दवाखान्यात दाखल केले
प्लॅटफॉर्मवर गस्तीवर असणाऱ्या या पोलीस शिपायाने मलेश एलगी याला रुळामधून बाहेर काढले. त्यासाठी या पोलीस शिपायाने प्रवाशांची मदत घेतली. त्यानंतर कुठल्याही मदतीची वाट न पाहता या पोलीस शिपायाने लहानग्याला हातात उचलले. तसेच प्लॅटफॉर्मवरुन धावत जात पोलीस शिपायाने लहान मुलाला जवळच्या रवी हॉस्पीटलमध्ये उपाचराकरीता दाखल केले.
पाहा व्हिडीओ :
पोलीस शिपाई ठाणाबीर यांचे कौतूक
सध्या या मुलाची प्रकृती स्थिर आहे. मुलगा भाईंदरच्या उत्तर रोडवरील, मुडदा खाडीजवळील झोपडपट्टीत राहतो. त्याची आई मरियम्मा देवाप्पा एलगी ही वसई विरार क्षेत्रात भाजीविक्रीचा व्यवसाय करते. तो आईला शोधण्यासाठी वसईला उतरत होता. त्यावेळी ही दुर्घटना घडली होती. मुलाला तत्काळ मदत मिळाल्याने त्याचे प्राण वाचले आहेत. त्यामुळे सध्या पोलीस शिपाई ठाणाबीर यांच्यावर कौतुकाचा वर्षाव होत आहे.
इतर बातम्या :
VIDEO: दोन डोस घेतलेल्यांना बाहेर पडू द्या; अजित पवार मुख्यमंत्री उद्धव ठाकरेंशी चर्चा करणार
Video | खारुताई-मांजरीमध्ये जबरदस्त मारामारी, व्हायरल व्हिडीओ एकदा पाहाच
आश्चर्यम ! गावात एकाच विहिरीतून यायला लागलं गरम पाणी, अचानकपणे घडलेल्या प्रकारामुळे तर्कवितर्कांना उधाणhttps://t.co/GhjoK9xHtn#Well | #Buldana |#HotWater
— TV9 Marathi (@TV9Marathi) July 21, 2021
(Vasai railway police saved 10 year old boy who got accident on railway track)
