आई वडील कामावर, घरी एकटीच, आरोपीने हेरलं, पुण्यात पाच वर्षीय चिमुरडीवर नराधमाचा बलात्कार

पुणे : पुण्याच्या विमाननगरमध्ये पाच वर्षांच्या चिमुरडीवर बलात्कार झाल्याची संतापजनक घटना समोर आली आहे. एका हॉटेलच्या सुरक्षारक्षकाने पाच वर्षांच्या चिमुरडीवर बलात्कार केल्याचा संतापजनक प्रकार उघडकीस आला आहे. (pune police Arrested 20 year Old man For Raping Minor Girl in Vimannagar Pune)

विमानतळ पोलिसांनी नराधम आरोपीस अटक केली असून पीडित चिमुरडीवर रुग्णालयात उपचार सुरु आहे. या प्रकरणी करण दिलीपकुमार गोस्वामी (वय.२०, रा.विमाननगर) यास विमानगर पोलिसांनी केली अटक केली आहे.

आरोपी विमाननगर भागातील एका हॉटेलमध्ये सुरक्षा रक्षकाचे काम करतो, तर पीडित चिमुरडी आपल्या आई-वडिलांसोबत एका लेबर कॅम्पमध्ये राहते. तिचे आई-वडील दोघेही कामाला जातात. आई-वडील कामाला गेल्यानंतर पीडित चिमुरडी घरी एकटीच असते, हे आरोपीने हेरले.

दुपारी आरोपीने पाच वर्षांच्या चिमुरडीला तिच्या घरातून बाहेर बोलावले आणि तो काम करत असलेल्या हॉटेल शेजारील एका चारचाकी शोरुमच्या पार्किंगमध्ये नेऊन तिच्यावर अतिप्रसंग केला. या चिमुरडीवर सध्या पुण्यातील एका सरकारी रुग्णालयात उपचार सुरु आहेत.

(pune police Arrested 20 year Old man For Raping Minor Girl in Vimannagar Pune)

हे ही वाचा :

जुन्या प्रेमावरुन वाद, रागाच्या भरात प्रियकराकडून चाकूने वार, महिलेची प्रकृती नाजूक

वेश्या, गरीब महिला असे 93 खून, जगाला हादरवून सोडणाऱ्या बॉक्सरची थरकाप उडवणारी कहाणी