Vidyanand Bapat : डीजेविरोधात बोलताना विद्यानंद बापटला हाणलं, Tv9 मराठीशी बोलताना घडली घटना

गेल्या काही दिवसांपासून गणेशोत्सव काळात पुण्यात डीजे बंदी आणि ध्वनीप्रदुषणावरुन वाद सुरु आहे. यावादात पुण्यातील विद्यानंद बापट यांनी लक्ष वेधले होते. त्यांनी डीजेचा सर्वसामान्य लोकांना त्याचा त्रास होणार नाही, याची काळजी देखील घेणे आवश्यक आहे असे म्हणत विरोध केला होता. त्यानंतर विद्यानंद बापट हे चर्चेत आले. आज याबाबत टीव्ही ९ मराठी संवाद साधत असताना विद्यानंद बापट यांना मराहाण करण्याच आली. पुण्यातील टिळक रोड परिसरात ही घटना घडली आहे.

नेमकं काय घडलं?

विद्यानंद बापट हे टीव्ही ९ मराठीशी बोलत गणेशोत्सवातील डीजेबाबत स्वत:ची भूमिका मांडत होते. त्यावेळी एक तरुण अचानक आला आणि त्याने विद्यानंद बापट यांना मारहाण केली. त्यानंतर काही जण आले आणि त्यांनी तरुणाला रोखले. ही संपूर्ण घटना कॅमेरामध्ये कैद झाली. त्यानंतर विद्यानंद बापट यांनी घडलेल्या घटनेवर देखील प्रतिक्रिया दिली.

घडलेल्या घटनेविषयी बोलताना विद्यानंद बापट म्हणाले की, एक वेडा अचानक आला आणि त्याने माझ्यावर हल्ला केला. तुम्ही पाहात होतात. त्याने का केला कारण मी सशस्त्र नव्हतो हे पाहून त्यांनी हल्ला केला. किंवा आजूबाजूला पोलीस नव्हते हे पाहून त्याने हल्ला केला. जर पोलीस असते तर ते सशस्त्र. टेकनिकली पोलीस इथे आहेत पण त्यांच्याकडे रिव्हॉलवरच नाहीये. हे बघून ते करतायेत. घटं भिन्द्यात् पटं छिन्द्यात्. त्याला फक्त चीप पब्लिसिटी पाहिजे होती. सवंग प्रसिद्धीसाठी. तुम्ही पाहिलच आहे. तुम्ही साक्षीदार होतात. तुम्हाला तर माहितीच आहे.

पोलिसात करणार तक्रार?

पुढे विद्यानंद बापट यांना पोलिसात या प्रकरणी पोलिसात तक्रार करणार का? असा प्रश्न विचारण्यात आला होता. त्यावर त्यांनी “हो मी पोलिसात तक्रार दाखल केली आहे. तर ते आले आहेत.”

यावर काँग्रेस नेते प्रशांत जगताप यांनी प्रतिक्रिया दिली आहे. त्यांनी “सत्ताधारी मंडळींच्या पाठिंब्याने काहींची मजल थेट मारहाणीपर्यंत पोहोचली.. पुण्यात भाजपची दादागिरी कशी वाढली, हे याचं उदाहरण….” विद्यानंद बापट यांना झालेल्या मारहाणीवर प्रशांत जगताप यांची प्रतिक्रिया