राज ठाकरेही उतरले ग्रामपंचायतीच्या मैदानात; राज यांच्या एन्ट्रीने कुणाची होणार पंचाईत?

पुणे: राज्यातील ग्रामपंचायत निवडणुकांचा कार्यक्रम जाहीर होताच सर्वच राजकीय पक्षांनी मोर्चेबांधणी सुरू केली आहे. मनसे अध्यक्ष राज ठाकरे हेसुद्धा ग्रामपंचायत निवडणुकीच्या मैदानात उतरलेत. ग्रामपंचायत निवडणुकीची मोर्चेबांधणी करण्यासाठी राज आज पुण्यात आले असून पदाधिकाऱ्यांशी त्यांनी चर्चा सुरू केली आहे. राज यांनी पंचायत समितीच्या निवडणुकीत एन्ट्री केल्यामुळे कुणाची पंचायत होणार? याकडे राजकीय निरीक्षकांचं लक्ष लागलं आहे. (raj thackeray in pune held meeting with party workers on gram panchayat election)

राज ठाकरे आज सकाळीच पुण्यात आले. मनसेने ग्रामपंचायत निवडणुका लढवण्याचा निर्णय घेतला असून, या पार्श्वभूमीवर राज यांचा हा दौरा अत्यंत महत्त्वाचा मानला जात आहे. पुण्यात आल्यावर त्यांनी मनसेचे नेते अनिल शिदोरे, बाबू वागस्कर यांच्याशी निवडणुकीच्या अनुषंगाने चर्चा सुरू केली आहे. कोणत्या मतदारसंघात मनसेचा किती प्रभाव आहे? त्याभागातील मनसेचं संघटन कसं आहे? कोणते कार्यकर्ते काम करतात? पुण्यातील किती ग्रामपंचायतीसाठी उमदेवार उभे केले जाऊ शकतात? त्यांची परिस्थिती काय आहे? इतर पक्षातील कोणी पदाधिकारी मनसेत येणार आहेत का? आदी सर्व गोष्टींचा आढावा या पदाधिकाऱ्यांकडून राज घेत असल्याचं सूत्रांनी सांगितलं.

23 तारखेनंतर मेळावा

यावेळी राज यांनी 23 तारखेनंतर पुणे जिल्ह्यात मेळावा घेण्याच्या सूचना पदाधिकाऱ्यांना केल्या आहेत. त्यासाठी मैदान बुक करून कामाला लागण्याचे आदेशही राज यांनी पदाधिकाऱ्यांना दिल्याचं सूत्रांनी सांगितलं.

राज यांच्या मुळे कुणाला फटका?

राज ठाकरे यांनीही ग्रामपंचायत निवडणुकीत एन्ट्री केल्याने त्याचा कुणाला फटका बसेल? याबाबत तर्कवितर्क लढवले जात आहेत. मनसेमुळे शिवसेनेला फारसा फटका बसणार नसल्याचं काही राजकीय विश्लेषकांचं म्हणणं आहे. सुरुवातीच्या काळात मनसेमुळे शिवसेनेला फटका बसला. पण आता ही गळती रोखण्यात शिवसेनेला यश आले आहे. त्यामुळे शिवसेनेची व्होटबँक मजबूत असून त्याचा फटका शिवसेनेला बसणार नाही. उलट जो नव मतदार भाजपकडे येऊ शकतो, तोच मतदार मनसेकडे जाण्याची शक्यता असल्याने मनसेचा अप्रत्यक्ष फटका भाजपलाच बसणार असल्याचंही राजकीय निरीक्षकांचं म्हणणं आहे. (raj thackeray in pune held meeting with party workers on gram panchayat election)

VIDEO | महाफास्ट न्यूज 100 | 7 AM | 20 December 2020 https://t.co/Adc5h9V3AI #MahafastNews100 #MorningBulletin #BreakingNews #TV9TopNews

— TV9 Marathi (@TV9Marathi) December 20, 2020

संबंधित बातम्या:

LIVE : ग्रामपंचायत निवडणुकीसाठी मनसे मैदानात, राज ठाकरे पुण्यात घेणार सभा

बाळासाहेब सानप यांचा सोमवारी भाजपमध्ये प्रवेश; पालिका, पंचायत निवडणुकीपूर्वीच शिवसेनेला धक्का!

राज ठाकरेंचं ‘मिशन पुणे’, ग्रामपंचायतसाठी कंबर कसली, दोन दिवस पुण्यात तळ

(raj thackeray in pune held meeting with party workers on gram panchayat election)