पुणं पुन्हा हादरलं! उच्चभ्रू कुटुंबातील विवाहितेनं उचललं टोकाचं पाऊल, प्रॉपर्टी हवी म्हणून केलं जायचं टॉर्चर!

गेल्या वर्षी पुण्यातील वैष्णवी हगवणे हिच्या आत्महत्येने अख्खं राज्य सुन्न झालं होतं. जमीन खरेदी करण्यासाठी तुझ्या घरच्यांकडून दोन कोटी रुपये घेऊन ये असा तगादा तिच्या सासरच्या मंडळींनी लावला होता. तसेच तिचा शारीरिक तसेच मानसिक छळ केला जात होता. या प्रकरणामुळे राज्य धगधगत होतं, मात्र याच- अशाच गोष्टीची आता पुनरावृत्ती झाली असून हुंडाबळी प्रकरणाने पुन्हा शहर हादरलं आहे. वैष्णवी हगवणे नंतर आता ही घटना समोर आली असून पिंपरी-चिंचवड येथील उच्चभ्रू कुटुंबात हा प्रकार घडलाय. शिल्पा सचिन गवारे नामक विवाहीत महिलेचा मृत्यू झाला असून तिने गळफास घेऊन आयुष्य संपवल्याचं समोर आलं आहे.

विवाहीत महिलेच्या भावच्या फिर्यादीवरून तिचा पती, सासू, सासरे आणि दीर यांच्या विरोधात तक्रार दाखल करण्यात आली आहे. वाकडमधील शिल्पा गवारेने टोकाचं पाऊल उचललं. माहेरच्या संपत्तीत हिस्सा माग असं म्हणत शारीरिक छळ केल्याचा आरोप आहे. वाकड पोलिसांकडून या घटनेचा तपास सुरू आहे.

याप्रकरणी मयत शिल्पा यांच्या भावाने दिलेल्या फिर्यादीवरून पती सचिन गवारे सह सासू,सासरे आणि दिरा विरुद्ध हुंडाबळी आणि छळवणूक केल्या प्रकरणी गुन्हा दाखल करण्यात आला आहे. माहेरच्या प्रॉपर्टीमध्ये हिस्सा माग असं म्हणत पती आणि सासरच्या मंडळीकडून माझ्या बहिणीला खूप मारहाण केली जात होती, असा आरोप शिल्पाच्या भावाने केला आहे.

माझी बहीण नाहीये आता मला राखी बांधायला, गेली ती..

याप्रकरणी शिल्पाच्या भावाने जे सांगितलं ते ऐकून कोणाच्याही डोळ्यांत अश्रू येतील.काय शब्दांत सांगू मी माझ्या भावाा हो.. उद्या रक्षाबंधनाचा सण, पण माझी बहीण नाहीये आता हो राखी बांधायला.  आज गेली ती शेवटची सोडून आम्हाला आज. तिची छवणूक करून करून मारलं हो तिला सासरच्या लोकांनी.. हे बोलताना तो भाऊ अक्षरश: ढसाढसा रडला.

खूप छळ केला हो त्यांनी, तो उत्तम गवारे, संजीवनी गवारेंनी खूप रात्रीचं टॉर्चर केलं हो तिला, खूप  त्रास दिला., दारू पिऊन यायचा, लई त्रास दिला हो माझ्या बहिणीला त्यांनी असा आरोप मृत शिल्पाच्या भावाने केला. मला रात्री भावाचा फोन आला, गडबड झालीये, हॉस्पिटलमध्ये ये असं सांगितलं मला, तिथे गेलो तर माझी बहीण स्ट्रेचरवर पडलेली होती, तिथे डॉक्टरांनी तिला मृत घोषित केलं.  नक्की काय झालयं, क्षणभर मला काहीच कळत नव्हतं हो, असंही तिच्या बावाने नमूद केलं.